Post your question

 

Q: నేను 1-5 వ తరగతి 5 సంవత్సరాలు కాకుండా 6 సంవత్సరాలు చదివినట్టుగా ఉంది 1 వ తరగతి 2 సార్లు చదివాను OTR లో 1 వ తరగతి అడ్మిషన్ అయిన సంవత్సరం నింపలా లేక రెండో సరి చదివి సంవత్సరం నింపాలా

    Asked By: Andy

    Ans:

    రెండోసారి చదివిన సంవత్సరాన్నే ఓటీఆర్‌లో అప్‌లోడ్‌ చేయండి. అకడమిక్‌ సంవత్సరాల కాలమ్‌ నింపేటప్పుడు ఇబ్బంది లేకుండా ఉంటుంది.

Q: నేను మహబూబాబాద్ జిల్లా వాసిని. ఒకటి నుంచి పదో తరగతి వరకు జనగాంలో చదివాను. ఈ రెండు ప్రాంతాలు వేర్వేరు జోన్‌లలో ఉన్నాయి. నివాసం లేదా చదువుకున్న స్థలం ఆధారంగా నేను ఏ జోన్ కిందకు వస్తానో తెలియజేయండి.

    Asked By: BHUKYA VIJAY KUMAR

    Ans:

    జనగాం జిల్లా ఏ జోన్‌ పరిధిలోకి వస్తే మీరు అదే జోన్‌ కిందకు వస్తారు.

Q: గ్రూప్‌ - 2 లో కొన్ని పోస్ట్‌లకు బీఏ అర్హత ఉంది. నేను బీఫార్మసీతో పాటు దూరవిద్యలో బీఏ చేశాను. టీఎస్‌పీఎస్సీ రిజిస్ట్రేషన్‌లో అర్హత దగ్గర బీఫార్మసీ అని పెట్టాను. బీఏ అర్హత ఉన్న పోస్టులకు ఎంపికైతే ఎలా? ఓటీఆర్‌ రిజిస్ట్రేషన్‌ ఇంకా అప్‌లోడ్‌ చేయలేదు. ఈ సమస్యకు పరిష్కారం తెలియజేయండి.     

    Asked By: srilaxmi

    Ans:

    గ్రూప్‌ - 2 పోస్టులకు ఏదైనా డిగ్రీ పట్టా ఉన్నవారు అర్హులు. మీరు చదివిన బీఫార్మసీ డిగ్రీ కిందకే వస్తుంది కాబట్టి అన్ని పోస్టులకు పోటీ పడొచ్చు.

Q: నా విద్యాభ్యాసమంతా బీసీ-బిలో కొనసాగింది. ఇప్పుడు బీసీ-ఇ కేటగిరీకి మారితే టీఎస్‌పీఎస్సీ మహిళా రిజర్వేషన్‌ కోటాలో లబ్ధి     ఏమైనా చేకూరుతుందా? లేదంటే ప్రస్తుత కేటగిరీలోనే కొనసాగాలా?

    Asked By: faheemunnisa

    Ans:

    మీరు బీసీ-బిలో కొనసాగినా, బీసీ-ఇ కి మారినా మహిళా రిజర్వేషన్‌ కోటా యథావిధిగా ఉంటుంది.

Q: నేను మొదటిసారిగా టీఎస్‌పీఎస్సీ గ్రూప్‌-2 పరీక్షకు సిద్ధమవుతున్నాను.  ప్రిపరేషన్‌కు ఉపయోగపడే పుస్తకాలను సూచించండి. సిలబస్‌ను అర్థం చేసుకోవడానికి ఏ మీడియం (ఇంగ్లిష్‌/ తెలుగు) బాగుంటుందో తెలియజేయండి. నేను పదో తరగతి వరకు తెలుగు మీడియం విద్యార్థిని

    Asked By: priyanka

    Ans:

    మీరు మొదటిసారిగా టీఎస్‌పీఎస్సీ గ్రూప్‌-2 పరీక్షకు సిద్ధమవుతున్నారు కాబట్టి, సిలబస్‌ ప్రకారం బేసిక్‌ కాన్సెప్ట్ప్‌ను పూర్తిగా అవగాహన చేసుకోండి. ఆ తర్వాత తెలుగు అకాడమీ పుస్తకాలు, దినపత్రిక (ఇంగ్లిష్‌/తెలుగు) రోజూ చదవండి. మీకు పట్టులేని సబ్జెక్టుల కోసం కోచింగ్‌కి చేరడం మంచిది లేదా ఆ సబ్జెక్టుపై అవగాహన ఉన్నవారి నుంచి సూచనలు తీసుకోండి.

Q: గ్రూప్‌ 1, పేపర్‌-3లోని ఇండియన్‌ సొసైటీ గురించి సమాచారంతోపాటు ప్రిపరేషన్‌ విధానాన్ని తెలియజేయండి. ఏయే పుస్తకాలు    చదవాలో చెప్పండి.    

    Asked By: Sirisinahal

    Ans:

    ఇండియన్‌ సొసైటీ అంటే ఇందులో భారత సమాజ నిర్మాణం, సమస్యలు, ప్రభుత్వ విధానాలు, పథకాల గురించి తెలుసుకోవాలి. వీటికి¨ ప్రత్యేకంగా పుస్తకాలు ఉండవు. భారత సమాజానికి సంబంధించిన తెలుగు అకాడమీ (తెలుగు/ఇంగ్లిష్‌ మీడియం) పుస్తకాలను సిలబస్‌ ప్రకారం రిఫర్‌ చేయవచ్చు.  ఆధునిక భారతదేశ విధానాలు, పథకాల గురించి ఇండియా ఇయర్‌ బుక్‌ - 2022ను చదవండి. ప్రిపరేషన్‌కి స్టాండర్డ్‌ పుస్తకాలను మాత్రమే ఎంపిక చేసుకోండి.

Q: ఓటీఆర్‌లో స్థానిక గ్రామం (నేటివ్‌ విలేజ్‌) అంటే ఏమిటో  తెలియజేయగలరు?                 

    Asked By: Parmeshwar

    Ans:

    నేటివ్‌ విలేజ్‌ అంటే శాశ్వత నివాస గ్రామం. మీరు చాలా కాలంగా ఎక్కడ అయితే నివసిస్తున్నారో ఆ ప్రాంతాన్ని స్థానిక గ్రామంగా పేర్కొనాలి.

Q: ఒకటో తరగతి నుంచి నాలుగో తరగతి వరకు చదివిన స్కూల్‌ మూసివేశారు. ఆ బోనఫైడ్‌లు లేవు. అయిదు నుంచి పదో తరగతి వరకు చదివిన బోనఫైడ్‌లు తెలంగాణ రాష్ట్రంలో ఉన్నాయి. ఇప్పుడు తెలంగాణ లోకల్‌ కిందకు వస్తానా?

    Asked By: రాకేష్‌

    Ans:

    ఒకటో తరగతి నుంచి నాలుగో తరగతి వరకు చదివిన ప్రాంతం తెలంగాణ రాష్ట్రంలో ఉంటే, ఆ ప్రాంతానికి చెందిన తహశీల్దార్‌ సంతకం చేసిన నివాస ధ్రువీకరణ పత్రం (రెసిడెన్షియల్‌ సర్టిఫికెట్‌)ను సమర్పించగలిగితే మీరు తెలంగాణ లోకల్‌ అవుతారు. ఒకవేళ ఆంధ్రప్రదేశ్‌లో చదివి ఉంటే తెలంగాణ స్థానికత వర్తించదు.

Q: నేను ఏప్రిల్‌ 6న ఓటీఆర్‌ ఎడిట్‌ చేశాను. పీడీఎఫ్‌ డౌన్‌లోడ్‌ చేసిన తర్వాత  ఫొటో, విద్యార్హత వివరాలను అప్‌లోడ్‌ చేయడంలో కొన్ని తప్పులు దొర్లినట్లు తెలిసింది. దాన్ని మళ్లీ సవరించడానికి నాకు అవకాశం ఉంటుందా?

    Asked By: SHAIK

    Ans:

    ఓటీఆర్‌లోని ఎడిట్‌ ఆఫ్షన్‌కి వెళ్లి మీరు ఎన్నిసార్లయినా అవసరమైన సవరణలు చేసుకోవచ్చు. మళ్లీ తప్పులు రాకుండా చూసుకుంటే సమయం వృథా కాదు

Q: నేను పుట్టింది నారాయణపేట జిల్లా కానీ 1వ తరగతి నుండి 4వతరగతి వరకు మహబూబ్ నగర్ జిల్లాలో చదివాను. 5 నుండి 7వతరగతి వరకు నారాయణపేట జిల్లాలో చదివాను. ఇప్పుడు నేను ఏ జిల్లాలో స్థానిక అభ్యర్థిగా పరిగణనలోకి వస్తాను. చివరి మూడు సంవత్సరాలు చదివిన జిల్లాను పరిగణనలోకి తీసుకుంటారని విన్నాను. స్పష్టత ఇవ్వగలరు?

    Asked By: సందీప్‌

    Ans:

    మీరు ఎక్కువ సంవత్సరాలు వరుసగా ఒకటి నుంచి నాలుగో తరగతి వరకు మహబూబ్‌నగర్‌లో చదవడం వల్ల అదే జిల్లా స్థానికత కిందకు వస్తారు.