Post your question

 

Q: నేను bcom డిగ్రీ ఫైనల్ ఇయర్ చదువుతున్నాను నాకు గ్రూప్స్ రాయడానికి అర్హత ఉంటుందా

    Asked By: గోపాల్‌

    Ans:

    కచ్చితంగా ఉంటుంది. గ్రూప్స్‌కి సంబంధించిన అన్ని పరీక్షలూ రాసుకోవచ్చు. కానీ ప్రభుత్వ నోటిఫికేషన్లు వెలువడే నాటికి మీ డిగ్రీ పూర్తయ్యి చేతిలో సర్టిఫికెట్‌ ఉండాలి. 

Q: రెండో తరగతి నుంచి అయిదో తరగతి వరకు ఆంధ్రప్రదేశ్‌లో, ఆరో తరగతి నుంచి ఇంటర్మీడియట్‌ వరకు తెలంగాణలో చదివాను. నాకు ఏ రాష్ట్ర స్థానికత వర్తిస్తుంది?

    Asked By: ప్రవీణ్‌

    Ans:

    మీరు ఆంధ్రప్రదేశ్‌కి లోకల్‌ అవుతారు. తాజాగా అమలు చేస్తున్న నిబంధనల ప్రకారం మీకు తెలంగాణ స్థానికత వర్తించదు. 

Q: నేను ఉద్యోగం చేస్తున్నాను. టీఎస్‌పీఎస్సీ పరీక్షకు సిద్ధం కావాలనుకుంటున్నాను. తెలుగు అకాడమీలో తెలంగాణ చరిత్ర, ఆర్థిక వ్యవస్థకు సంబంధించిన పుస్తకాలు ఏమైనా ఉంటాయా? అలాగే ఉద్యోగం చేస్తున్నప్పుడు పోటీ పరీక్షలకు ఎలా సిద్ధం కావాలో తెలియజేయగలరు.

    Asked By: వంశీ

    Ans:

    తెలుగు అకాడమీలో తెలంగాణ చరిత్ర, ఆర్థిక వ్యవస్థకు సంబంధించిన పుస్తకాలు ఉన్నాయి. మీరు హైదరాబాద్‌ హిమాయత్‌నగర్‌లోని తెలుగు అకాడమీకి వెళితే కావాల్సిన పుస్తకాలు అన్నీ (తెలుగు/ఇంగ్లిష్‌ మీడియం) దొరుకుతాయి. ఇప్పటికే ఉద్యోగం చేస్తున్నారు కాబట్టి ప్రిపరేషన్‌కి ఎక్కువ సమయం ఉండకపోవచ్చు. ఆన్‌లైన్‌లో ఒక గంట ఫ్రీ క్లాసెస్‌ లేదా కోచింగ్‌ క్లాస్‌లో జాయిన్‌ అయితే ప్రిపరేషన్‌కి ఉపయోగకరంగా ఉంటుంది.

Q: పోటీ పరీక్షలకు సంబంధించి ఎకానమీ సబ్జెక్టుపై పట్టు కోసం ఏ పుస్తకాలు చదవాలి?

    Asked By: ఒక అభ్యర్థి

    Ans:

    ఎకానమీ సబ్జెక్టుపై పట్టు సాధించాలంటే మొదట 9, 10, 11, 12 తరగతులకు సంబంధించిన ఎన్‌సీఆర్‌టీ పుస్తకాలను క్షుణ్నంగా చదివి అర్థం చేసుకోవాలి. ఆ తర్వాత సుందరం అండ్‌ దత్త రాసిన ఇండియన్‌ ఎకానమీ, ఉమ కపిల - ఇండియాస్‌ ఎకనామిక్‌ డెవలప్‌మెంట్‌ సిన్స్‌ 1947, మిశ్ర అండ్‌ పురి - ఇండియన్‌ ఎకానమీ లాంటి ప్రామాణిక పుస్తకాలు చదవాలి.

Q: పదో తరగతి ఓపెన్ స్కూల్‌లో చదివాను, టీఎస్‌పీఎస్సీ ప్రభుత్వ ఉద్యోగాలకు సంబంధించి వన్ టైమ్ రిజిస్ట్రేషన్ (ఓటీఆర్) ఎడిట్‌లో ఒకటో తరగతి నుంచి 9వ తరగతి వరకు బోనఫైడ్‌ను సమర్పించలేకపోతున్నాను. ఈ సమస్యకు పరిష్కార మార్గాన్ని వివరించండి

    Asked By: టి. ప్రసాద్

    Ans:

    ఓపెన్‌ స్కూల్‌లో విద్యాభ్యాసం పూర్తి చేశారు కాబట్టి ఆ కాలానికి సంబంధించి ఎక్కడ చదివారో ఆ ప్రాంతానికి చెందిన తహసీల్దార్‌ సంతకం చేసిన నివాస ధ్రువీకరణ పత్రాన్ని సమర్పించండి.

Q: తెలంగాణ గ్రూప్స్ పరీక్షలకు ప్రిపేర్ అవుతున్నాను. ప్రాథమిక అంశాలపై పట్టు కోసం ఏయే పుస్తకాలు చదవాలో చెప్పండి.

    Asked By: అరుణ్

    Ans:

    సిలబస్‌ ప్రకారం తెలుగు అకాడమీ ప్రచురించిన పుస్తకాలు (ఇంగ్లిష్‌/ తెలుగు మీడియం) చదవండి.

Q: ఒకటి నుంచి ఆరో తరగతి వరకు కర్నూలులో, ఏడు నుంచి పదో తరగతి వరకు మహబూబ్ నగర్‌లో చదివాను. గత నిబంధనల ప్రకారం నేను మహబూబ్ నగర్ జిల్లా స్థానికతతో పంచాయతీ కార్యదర్శిగా 2014లో ఎంపికై విధులు నిర్వహిస్తున్నాను. నాకు మహబూబ్ నగర్ జిల్లా స్థానికత వర్తిస్తుందా?

    Asked By: సలీమ్

    Ans:

    మీరు ఆంధ్రప్రదేశ్‌ ప్రాంతానికి చెందుతారు. ఎందుకంటే ప్రస్తుత నిబంధనల ప్రకారం ఒకటి నుంచి ఏడో తరగతి వరకు ఎక్కడ ఎక్కువ చదివితే ఆ ప్రాంతం లోకల్‌ అవుతుంది. మీరు కర్నూలులో చదవడం వల్ల మిమ్మల్ని తెలంగాణలో నాన్‌-లోకల్‌గా పరిగణిస్తారు.

Q: నేను తెలంగాణవాసిని, పెళ్లి తర్వాత ఆంధ్రప్రదేశ్‌లో స్థానిక హోదా సర్టిఫికెట్ తీసుకున్నాను. టీఎస్‌పీఎస్సీకి దరఖాస్తు చేయవచ్చా?

    Asked By: అహ్మద్

    Ans:

    ఆంధ్రప్రదేశ్‌లో స్థానిక హోదా తీసుకున్నప్పటికీ ప్రస్తుత నిబంధనల ప్రకారం మీరు ఒకటి నుంచి ఏడో తరగతి వరకు ఎక్కువ ఎక్కడ  చదివితే అదే మీకు లోకల్‌ అవుతుంది. మీ చిన్ననాటి విద్యాభ్యాసమంతా తెలంగాణలోనే జరిగి ఉంటే టీఎస్‌పీఎస్సీ ప్రభుత్వ ఉద్యోగాలకు దరఖాస్తు చేసుకోవచ్చు.

Q: రెండు సంవత్సరాల కిందట కులాంతర వివాహం చేసుకున్నాను. ఆధార్ కార్డ్‌లో భర్త పేరు, సర్టిఫికెట్స్ అన్నింటిలో నాన్న పేరు ఉంది. ఇప్పుడు ఓటీఆర్‌లో భర్త పేరు, కులం అప్‌డేట్ చేయించాలా లేదా తండ్రి కులాన్నే కొనసాగించాలా?

    Asked By: ఒక అభ్యర్థిని

    Ans:

    ఆధార్‌ కార్డ్‌లో భర్త పేరు ఉన్నప్పటికీ కులంలో ఎటువంటి మార్పు రాదు. ఉద్యోగం విషయంలో మీ పుట్టింటి పేరు, తండ్రి కులమే కొనసాగుతుంది. సర్టిఫికెట్లలోనూ ఎలాంటి మార్పు చేసుకోలేరు. ఓటీఆర్‌ అప్‌డేషన్‌లో తండ్రి కులమే వర్తిస్తుంది. ఆధార్‌లోనూ ఆయన పేరు పెట్టుకుంటే ఇక ఏ సమస్య ఉండదు.

Q: మా సొంతూరు మహబూబ్‌నగర్ జిల్లా. ఫస్ట్, సెకండ్ క్లాస్‌లు ప్రభుత్వ ధ్రువీకరణ పొందని స్కూల్‌లో చదివాను. ఎలాంటి స్టడీ సర్టిఫికెట్‌లు లేవు. మూడు, నాలుగు, ఆరు, పదో తరగతులు రంగారెడ్డి జిల్లాలో చదివాను. అయిదో తరగతి చదవలేదు జంప్ చేశాను. టీఎస్‌పీఎస్సీ ఓటీఆర్ కోసం ఫస్ట్, సెకండ్, ఫిఫ్త్ క్లాస్ స్టడీ సర్టిఫికెట్‌లు లేవు కాబట్టి రెసిడెన్షియల్ లేదా స్టడీ సర్టిఫికెట్‌లను ఏ జిల్లాలో (రంగారెడ్డి/మహబూబ్ నగర్) తీసుకోవాలి?

    Asked By: నిఖిల

    Ans:

    మీరు రంగారెడ్డి నుంచి స్టడీ సర్టిఫికెట్లు తీసుకోవాలి. మూడు, నాలుగు, ఆరు ఒకే స్కూల్‌లో చదివి ఉంటే, అయిదో తరగతికి డబుల్‌ జంప్‌ అని ఓటీఆర్‌లో సబ్మిట్‌ చేస్తే సరిపోతుంది.