Post your question

 

Q: నేను ఉమ్మడి ఖమ్మం జిల్లాలో ఆరోతరగతి వరకు ఒకే స్కూల్‌లో చదివాను. ఏడో తరగతి ఖమ్మంలోనే వేరొక స్కూల్‌కి మారాను. ప్రస్తుతం అది ఖమ్మంలోనే ఉంది. కానీ, ఆరో తరగతి వరకు చదివిన స్కూల్ భద్రాద్రి జిల్లాలోకి వెళ్లింది. నేను ఏ జిల్లాలో స్థానికత పొందుతాను?-

    Asked By: స్వర్ణపూడి

    Ans:

    మీరు ఒకటో తరగతి నుంచి ఆరో తరగతి వరకు ఎక్కువ సంవత్సరాలు ప్రస్తుతం ఉన్న భద్రాద్రి జిల్లాలో చదివారు కాబట్టి అక్కడి స్థానికతనే పొందుతారు.

Q: నేను గ్రూప్-1 అప్లికేషన్‌లో పోస్ట్‌కోడ్ నెం. 4 కి నాకు అర్హత లేదని పెట్టాను. కానీ అర్హత ఉంది. ఇప్పుడు అప్లికేషన్‌లో మార్చుకునే అవకాశం ఉందా?

    Asked By: తోట

    Ans:

    మీకు పోస్ట్‌ కోడ్‌ నెం. 4 కి పోటీ పడే అర్హత ఉంటే తప్పకుండా మిమ్మల్ని పరిగణనలోకి తీసుకుంటారు. సర్వీస్‌ కమిషన్‌ ఎడిట్‌ ఆప్షన్‌ని ఇచ్చినప్పుడు ఏవైనా సవరణలు ఉంటే చేసుకోవచ్చు.

Q: నేను ఇంజినీరింగ్ పూర్తి చేసిన కాలేజీని ప్రస్తుతం మూసివేశారు. మెమో కాలేజీలో ఉండిపోయింది. వాళ్లని అడుగుదామంటే ఫోన్ నంబర్ కూడా లేదు. వెరిఫికేషన్ సమయంలో సర్టిఫికెట్‌ను ఎలా చూపించాలి. మెమో పొందడం ఎలా?

    Asked By: రవి

    Ans:

    మీరు నేరుగా సంబంధిత యూనివర్సిటీకి వెళ్లి సర్టిఫికెట్‌ను తెచ్చుకోండి.

Q: నేను ఏడో తరగతి నుంచి బీఈడీ వరకు తెలంగాణలో చదివాను. ఒకటో తరగతి నుంచి ఆరో తరగతి వరకు చదివిన సర్టిఫికెట్లు లేవు. తెలంగాణలో పోటీ పరీక్షలు రాయడానికి అర్హత ఉందా?

    Asked By: కళ్యాణ్ రావు

    Ans:

    మీరు ఒకటో తరగతి నుంచి ఆరో తరగతి వరకు కూడా తెలంగాణలో చదివి ఉంటే టీఎస్‌పీఎస్సీ పోటీపరీక్షలకు అర్హత ఉంటుంది. ఆ కాలానికి సంబంధించిన స్టడీ సర్టిఫికెట్లను చదివిన స్కూల్‌ నుంచి తెచ్చుకోండి.

Q: నేను గ్రూప్-1కి దరఖాస్తు చేశాను. ఒకటో తరగతి ప్రభుత్వ పాఠశాలలో చదివాను, కానీ నా పేరు రిజిస్టర్ కాలేదు. రెండో తరగతిలో నా పేరు రిజిస్టర్ చేశారు. ఆ స్కూల్‌వారు రెండో తరగతి నుంచి మాత్రమే బోనఫైడ్ సర్టిఫికెట్లు ఇచ్చారు. నేను గ్రూప్-1కి అప్లై చేసేటప్పుడు ఓటీఆర్ ఎడిట్ ఆప్షన్‌లో ఒకటో తరగతి రెగ్యులర్ అని నింపాను. ఇప్పుడు సర్టిఫికెట్ పొందడం ఎలా?

    Asked By: వెంకట్ రెడ్డి

    Ans:

    ఒకటో తరగతి ప్రైవేట్‌గా చదివినట్లు వస్తుంది. ఆ కాలానికి సంబంధించి తహసీల్దార్‌ నుంచి రెసిడెన్స్‌ సర్టిఫికెట్‌ను తీసుకోండి. వెరిఫికేషన్‌ సమయంలో దాన్ని చూపిస్తే సరిపోతుంది.

Q: గ్రూప్-4లో ఇంటర్ అర్హతతో ఏమైనా ఉద్యోగాలు ఉంటాయా? ఇంటర్ అర్హతతో రాసుకునే ప్రభుత్వ ఉద్యోగాల గురించి తెలియజేయండి. \

    Asked By: యశ్వంత్

    Ans:

    గ్రూప్‌-4లో చాలా వరకు ఉద్యోగాలు ఇంటర్‌ అర్హతతోనే ఉంటాయి. స్టాఫ్‌ సెలక్షన్‌ కమిషన్‌ ఏటా విడుదల చేసే కొన్ని నోటిఫికేషన్లకు ఇంటర్‌ సరిపోతుంది. ఇంటర్మీడియట్‌ తర్వాత పలు రకాల ఉద్యోగ అవకాశాల వివరాల కోసంఈ లింక్‌ను క్లిక్‌ చేసి చూడండి

    https://pratibha.eenadu.net/notifications/latestnotifications/government-jobs/2-8-27

Q: టెన్త్, ఇంటర్ మెమోలో నా పేరు ల్టీ. కమల్ అని; డిగ్రీ, పీజీ మెమోలో మహమ్మద్ కమల్ అని ఉంది. ప్రస్తుతం టీఎస్‌పీఎస్సీ ఉద్యోగాలకు ప్రిపేర్ అవుతున్నాను. దీని వల్ల ఉద్యోగ విషయంలో ఏమైనా సమస్య వస్తుందా?

    Asked By: కమల్

    Ans:

    మీ పేరులో చిన్న మార్పు ఉన్నంత మాత్రాన ఉద్యోగ  విషయంలో ఏ సమస్యా ఉండదు. నిస్సంకోచంగా పరీక్షలకు ప్రిపేర్‌ అవ్వండి.

Q: నేను ప్రస్తుతం స్కూల్ అసిస్టెంట్ (ఇంగ్లిష్) (లోకల్ బాడీ మేనేజ్‌మెంట్)గా పని చేస్తున్నాను. జూనియర్ లెక్చరర్ రిక్రూట్‌మెంట్ పరీక్షకు హాజరు కావాలనుకుంటున్నాను. ఎంపికైతే పే ప్రొటెక్షన్ ఉంటుందా?

    Asked By: ఎ. రమేష్

    Ans:

    ఇంతకుముందు పే ప్రొటెక్షన్‌ను కల్పించేవారు. అయితే ప్రస్తుతం పే ప్రొటెక్షన్‌ ఇవ్వడం, ఇవ్వకపోవడం అనేది ప్రభుత్వ విధానాలపై ఆధారపడి ఉంటుంది.

Q: నేను ఫిజికల్లీ హ్యండీక్యాప్డ్. గ్రూప్-1 దరఖాస్తులో పొరపాటున వ్ని అని పడింది. ఎడిట్ చేయడం ఎలా?

    Asked By: అనిల్ కుమార్

    Ans:

    గ్రూప్‌-1 దరఖాస్తులో పొరబాటున వ్ని అని పడినా చేసేది ఏమీ ఉండదు. గడువు తేదీ ముగియడంతో ఎడిట్‌ చేసుకునే అవకాశం ఆగిపోయింది. భవిష్యత్తులో సర్వీస్‌ కమిషన్‌ తప్పులు సరిదిద్దుకునే అవకాశం ఇస్తే చేసుకోవచ్చు.

Q: నేను జాగ్రఫీ ప్రధాన సబ్జెక్టుగా డిగ్రీ పూర్తి చేశాను. ఫారెస్ట్ రేంజ్ ఆఫీసర్ (ఎఫ్‌ఆర్ఓ) పరీక్ష రాయడానికి అర్హత ఉందా?

    Asked By: ఒక అభ్యర్థి

    Ans:

    మీకు ఫారెస్ట్‌ రేంజ్‌ ఆఫీసర్‌ (ఎఫ్‌ఆర్‌ఓ) పరీక్ష రాయడానికి అర్హత ఉంటుంది.