• facebook
  • whatsapp
  • telegram

TS Police: తప్పు ప్రశ్నలకు మార్కులు ఇవ్వడం అభ్యర్థులకు మేలు చేయడమే

* తెలంగాణ పోలీసు నియామక మండలి

 

 

ఈనాడు, హైదరాబాద్: ఉద్యోగ నియామకాల కోసం నిర్వహించే పరీక్షలకు సంబంధించిన ప్రశ్నపత్రాల్లో తప్పులు దొర్లడం సహజమేనని తెలంగాణ రాష్ట్రస్థాయి పోలీసు నియామక మండలి (టీఎస్ఎల్పీఆర్బీ) ఛైర్మన్ వి.వి.శ్రీనివాసరావు పేర్కొన్నారు. ఆగస్టు 7న నిర్వహించిన ఎస్సై తత్సమాన ఉద్యోగాల ప్రాథమిక రాత పరీక్ష ప్రశ్నపత్రంలో తప్పులు దొర్లిన దృష్ట్యా అభ్యర్థులకు మేలు చేస్తామని స్పష్టం చేశారు. ప్రశ్నపత్రంలో వచ్చిన తప్పులపై ఆగస్టు 14న ఆయన వివరణ ఇస్తూ ప్రకటన జారీ చేశారు. ‘‘తప్పుగా నిర్ణయించిన ప్రశ్నలకు మార్కులు ఇచ్చే నియమాన్ని దేశవ్యాప్తంగా ప్రతి నియామక సంస్థ ఎంతోకాలంగా పాటిస్తుంది. ఇదేమీ కొత్త కాదు. ప్రశ్నపత్రాల తయారీ అనేక దశల్లో, అత్యంత రహస్యంగా జరుగుతుంది. ఎన్ని జాగ్రత్తలు తీసుకున్నా.. కొన్ని ప్రశ్నలు అర్థం కాకపోవడం, అస్పష్టంగా ఉండటం, అనువాద దోషాల కారణంగా తప్పులు దొర్లడం, ఇచ్చిన జవాబుల్లో సరైనది లేకపోవడం, ఒకదానికి మించి ఎక్కువ జవాబులు ఉండటం వంటి పొరపాట్లు జరుగుతూనే ఉంటాయి. తప్పు ప్రశ్నలకు మార్కులు ఇవ్వడం వెనుక నియామక మండలి ఉద్దేశం.. అభ్యర్థులకు మేలు చేయడమే. సామాజిక మాధ్యమాల్లో వ్యాపించే ఊహాగానాలను ఎవరూ నమ్మవద్దు. అనుమానాల నివృత్తికి అభ్యర్థులు వెబ్సైట్ను అనుసరించాలి’’ అని శ్రీనివాసరావు సూచించారు. 
 

********************************************************

మరింత సమాచారం ... మీ కోసం!

‣ ఆర్మీలో 191 టెక్నికల్‌ పోస్టులు

‣ సన్నద్ధతకు తుది మెరుగులు!

‣ ఒత్తిడిని వదిలించుకోవచ్చు!

‣ మీడియాలో ప్రవేశానికి కొన్ని కోర్సులు

Read Latest jobs, Latest notifications and Latest govt jobs 

Follow us on Facebook, Twitter, Koo, Share chatGoogle News Subscribe our Youtube Channel.

Posted Date : 14-08-2022

గమనిక : ప్రతిభ.ఈనాడు.నెట్లో వచ్చే ప్రకటనలు అనేక దేశాల నుండి, వ్యాపారస్తులు లేదా వ్యక్తుల నుండి వివిధ పద్ధతులలో సేకరించబడతాయి. ఆయా ప్రకటనకర్తల ఉత్పత్తులు లేదా సేవల గురించి ఈనాడు యాజమాన్యానికీ, ఉద్యోగస్తులకూ ఎటువంటి అవగాహనా ఉండదు. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి తగిన విచారణ చేసి, తగిన జాగ్రత్తలు తీసుకొని కొనుగోలు చేయాలి. ఉత్పత్తులు / సేవలపై ఈనాడు యాజమాన్యానికి ఎటువంటి నియంత్రణ ఉండదు. కనుక ఉత్పత్తులు లేదా సేవల నాణ్యత లేదా లోపాల విషయంలో ఈనాడు యాజమాన్యం ఎటువంటి బాధ్యత వహించదు. ఈ విషయంలో ఎటువంటి ఉత్తర ప్రత్యుత్తరాలకీ తావు లేదు. ఫిర్యాదులు తీసుకోబడవు.