రిమోట్‌ సెన్సింగ్‌ సెంటర్‌లో సైంటిస్ట్‌ కొలువులు

‣ డిగ్రీ, పీజీ అర్హతతో దరఖాస్తుకు అవకాశం

నేషనల్‌ రిమోట్‌ సెన్సింగ్‌ సెంటర్‌ (ఎన్‌ఆర్‌ఎస్‌సీ) 41 సైంటిస్ట్‌/ ఇంజినీర్‌ పోస్టుల భర్తీకి దరఖాస్తులు కోరుతోంది. అభ్యర్థులు ఆన్‌లైన్‌లో దరఖాస్తు చేసుకోవాలి. రాత పరీక్ష, స్కిల్‌ టెస్ట్, ఇంటర్వ్యూ, ధ్రువపత్రాల పరిశీలన ఆధారంగా ఈ ఉద్యోగాలకు ఎంపిక చేస్తారు.  

1. సైంటిస్ట్‌/ ఇంజినీర్‌ ‘ఎస్సీ’- అగ్రికల్చర్‌: 02. ఎంఈ/ ఎంటెక్‌ -  రిమోట్‌ సెన్సింగ్‌ అండ్‌ జీఐఎస్‌/ జియోఇన్ఫర్మాటిక్స్‌ పాసవ్వాలి. 

2. ఫారెస్ట్రీ ఎకానమీ: 04. ఎమ్మెస్సీ - బోటనీ/ ఫారెస్ట్రీ/ తత్సమాన పరీక్ష పాసవ్వాలి. 

3. జియో ఇన్ఫర్మాటిక్స్‌: 07. ఎమ్మెస్సీ (జియా ఇన్ఫర్మాటిక్స్‌/ తత్సమాన కోర్సు) పాసవ్వాలి. లేదా ఎంఈ/ఎంటెక్‌ (రిమోట్‌ సెన్సింగ్‌ అండ్‌ జీఐఎస్‌/ జియా ఇన్ఫర్మాటిక్స్‌/ ఆర్టిఫిషియల్‌ ఇంటెలిజెన్స్‌ అండ్‌ మెషీన్‌ లెర్నింగ్‌) పూర్తిచేయాలి. 

4. జియాలజీ: 04. ఎంఎస్సీ జియాలజీ/ అప్లైడ్‌ జియాలజీ/ తత్సమాన పరీక్ష పాసవ్వాలి. 

5. జియో ఫిజిక్స్‌: 04. ఎమ్మెస్సీ/ ఎంఎస్సీ టెక్‌ - జియోఫిజిక్స్‌/ తత్సమాన కోర్సు పాసవ్వాలి. 

6. సాయిల్‌ సైన్స్‌: 04. ఎమ్మెస్సీ - సాయిల్‌ సైన్స్‌ అండ్‌ అగ్రికల్చర్‌ కెమిస్ట్రీ/ తత్సమాన పరీక్ష పాసవ్వాలి. 

7. అర్బన్‌ స్టడీస్‌: 3. ఎంఈ/ఎంటెక్‌ - అర్బన్‌ ప్లానింగ్‌/ రీజనల్‌ ప్లానింగ్‌/ తత్సమాన పరీక్ష పాసవ్వాలి. 

8. వాటర్‌ రిసోర్సెస్‌: 7.ఎంఈ/ ఎంటెక్‌ - సివిల్‌ ఇంజినీరింగ్‌ (వాటర్‌ రిసోర్సెస్‌/ హైడ్రాలజీ/ సాయిల్‌ అండ్‌ వాటర్‌ కన్సర్వేషన్‌) లేదా అగ్రికల్చర్‌ ఇంజినీరింగ్‌ (వాటర్‌ రిసోర్సెస్‌/ హైడ్రాలజీ/ సాయిల్‌ అండ్‌ వాటర్‌ కన్సర్వేషన్‌)/ వాటర్‌ రిసోర్సెస్‌ ఇంజినీరింగ్‌ పూర్తిచేయాలి. 

9. మెడికల్‌ ఆఫీసర్‌ ‘ఎస్సీ’: 01. ఎంబీబీఎస్, రెండేళ్ల అనుభవం ఉండాలి. 

10. నర్స్‌-బి: 02. ఎస్‌ఎస్‌సీ, జనరల్‌ నర్సింగ్‌ అండ్‌ మిడ్‌వైఫరీలో ఫస్ట్‌క్లాస్‌ డిప్లొమాతోపాటు.. స్టేట్‌ నర్సింగ్‌ కౌన్సిల్‌లో నమోదు కావాలి. 

11. లైబ్రరీ అసిస్టెంట్‌-ఎ: 03. డిగ్రీ, మాస్టర్స్‌ డిగ్రీ (లైబ్రరీ సైన్స్‌/ లైబ్రరీ ఇన్ఫర్మేషన్‌ సైన్స్‌/ తత్సమాన పరీక్ష) మొదటి శ్రేణిలో పాసవ్వాలి.  

మెడికల్‌ ఆఫీసర్, నర్స్‌-బి, లైబ్రరీ అసిస్టెంట్‌-ఎ పోస్టులకు: గరిష్ఠ వయసు 35 ఏళ్లు. మిగతా పోస్టులకు 30 సంవత్సరాలు. ప్రత్యేక కేటగిరీలకు చెందిన అభ్యర్థులకు ప్రభుత్వ నిబంధనల ప్రకారం వయసులో సడలింపులు వర్తిస్తాయి. 

‣ దరఖాస్తు ఫీజు రూ.750. అన్ని కేటగిరీలకు చెందిన అభ్యర్థులూ ఈ రుసుమును చెల్లించాలి. రాత పరీక్షకు హాజరైన ఎస్సీ/ ఎస్టీ/ పీడబ్ల్యూబీడీ, ఎక్స్‌-సర్వీస్‌మెన్‌ అభ్యర్థులకు ఈ మొత్తాన్ని తిరిగి చెల్లిస్తారు. ఇతర కేటగిరీల అభ్యర్థులకు దరఖాస్తు ఫీజును మినహాయించి రూ.500 రిఫండ్‌ చేస్తారు. 

‣ ఎంపిక: సైంటిస్ట్‌/ ఇంజినీర్‌ పోస్టులకు అభ్యర్థులను రాత పరీక్ష, ఇంటర్వ్యూ ఆధారంగా ఎంపిక చేస్తారు. మెడికల్‌ ఆఫీసర్, నర్స్‌-బి, లైబ్రరీ అసిస్టెంట్‌-ఎ పోస్టులకు ఇంటర్వ్యూ, రాత పరీక్ష + స్కిల్‌ టెస్ట్‌ ఆధారంగా ఎంపిక చేస్తారు.

‣ సైంటిస్ట్‌/ ఇంజినీర్‌ పోస్టులకు ప్రశ్నపత్రంలో మూడు విభాగాలు ఉంటాయి. 

బీటెక్‌ ఆధారిత రిక్రూట్‌మెంట్లకు: పార్ట్‌-ఎకు 60 మార్కులు, వ్యవధి 75 నిమిషాలు. ప్రశ్నకు 1 మార్కు. ప్రతి తప్పు సమాధానానికీ 0.33 మార్కు తగ్గిస్తారు. సబ్జెక్టుకు సంబంధించిన ప్రశ్నలు ఇస్తారు. 

‣ పార్ట్‌-బిలోని ఆప్టిట్యూడ్‌/ ఎబిలిటీ టెస్ట్‌లో మల్టిపుల్‌ ఛాయిస్‌ 15 ప్రశ్నలకు 20 మార్కులు. నెగెటివ్‌ మార్కింగ్‌ లేదు. వ్యవధి 30 నిమిషాలు.

‣ పార్ట్‌-సిలో డిస్క్రిప్టివ్‌ ప్రశ్నలకు 20 మార్కులు. వ్యవధి 30 నిమిషాలు. ప్రశ్నపత్రం మొత్తం 100 మార్కులకు ఉంటుంది. 

‣ అభ్యర్థులు ప్రతి పార్ట్‌లోనూ, ఇంటర్వ్యూలోనూ 50 శాతం మార్కులు సాధించాలి. 

‣ రిజర్వుడ్‌ కేటగిరీలకు చెందిన అభ్యర్థులు 40 శాతం మార్కులు సాధించాలి. 

ఎంఎస్సీ ఆధారిత రిక్రూట్‌మెంట్లకు: ప్రశ్నపత్రంలో రెండు విభాగాలు మాత్రమే ఉంటాయి. పార్ట్‌-ఎలోని 80 ప్రశ్నలకు, 80 మార్కులు. వ్యవధి 90 నిమిషాలు. ప్రశ్నకు 1 మార్కు, ప్రతి తప్పు సమాధానానికీ 0.33 మార్కు తగ్గిస్తారు. సబ్జెక్టుకు సంబంధించిన ప్రశ్నలు అడుగుతారు.  

‣ పార్ట్‌-బిలోని 15 మల్టిపుల్‌ ఛాయిస్‌ ప్రశ్నలకు 20 మార్కులు. వ్యవధి 30 నిమిషాలు. 

‣ అభ్యర్థులు రెండు పార్టుల్లోనూ 50 శాతం మార్కులు సాధించాలి.  

లైబ్రరీ అసిస్టెంట్‌ పోస్టుకు: రాత పరీక్ష, స్కిల్‌ టెస్ట్‌ ఉంటాయి. రాత పరీక్షలో 80 ప్రశ్నలు ఉంటాయి. వ్యవధి 90 నిమిషాలు. ప్రశ్నకు 1 మార్కు. ప్రతి తప్పు సమాధానానికీ 0.33 మార్కు తగ్గిస్తారు. ఈ పరీక్షలో చూపిన ప్రతిభ ఆధారంగా అభ్యర్థులను స్కిల్‌ టెస్ట్‌కు ఎంపికచేస్తారు. 

‣ స్కిల్‌ టెస్ట్‌కు 100 మార్కులు. ఇది అర్హత పరీక్ష మాత్రమే. 

‣ తెలుగు రాష్ట్రాల్లో హైదరాబాద్‌లో మాత్రమే రాత పరీక్షను నిర్వహిస్తారు. 

గమనించాల్సినవి..

ఇవన్నీ తాత్కాలిక పోస్టులే అయినప్పటికీ పర్మనెంట్‌ చేసే అవకాశం ఉంటుంది.

‣ రాత పరీక్ష, ఇంటర్వ్యూ తేదీలను ఈమెయిల్‌ ఐడీకి తెలియజేస్తారు. 

‣ ప్రభుత్వ ఉద్యోగం చేస్తోన్న అభ్యర్థులు ‘నో అబ్జెక్షన్‌ సర్టిఫికెట్‌’ను తప్పనిసరిగా సమర్పించాలి. 

‣ ఒకటికంటే ఎక్కువ దరఖాస్తులు పంపితే.. చివరిదాన్ని మాత్రమే పరిగణనలోకి తీసుకుంటారు. 

‣ దరఖాస్తుకు చివరి తేదీ: 12.02.2024

‣ వెబ్‌సైట్‌: https://www.nrsc.gov.in/

-----------------------------------------------------------------------------------------------------------

మరింత సమాచారం... మీ కోసం!

‣ ఆఫర్‌ లెటర్‌ అందుకుంటే సరిపోదు!

‣ ఐటీ కొలువుకు దగ్గరి దారి

‣ సరైన వ్యూహాలతో సవ్యంగా సాధన!

‣ కలల కొలువుకు అయిదు మెట్లు!

‣ సముద్రమంత ఉద్యోగావకాశాలు!

‣ ఐటీ రంగంలో అవరోధాలు అధిగమిద్దాం!

‣ Read Latest job news, Career news, Education news and Telugu news

‣ Follow us on Facebook, Whataapp, Telegram, Koo, Share chat, Google News Subscribe our Youtube Channel.