* ఐటీఐ, డిప్లొమాతో దరఖాస్తుకు అవకాశం
హైదరాబాద్‌లోని మినీరత్న సంస్థ ‘మిశ్ర ధాతు నిగమ్‌ లిమిటెడ్‌’ (మిధానీ) 54 జూనియర్, సీనియర్‌ ఆపరేటివ్‌ ట్రైనీ పోస్టుల భర్తీకి ప్రకటన విడుదల చేసింది. అర్హులైన అభ్యర్థులు ఆన్‌లైన్‌లో దరఖాస్తు చేసుకోవచ్చు. రాత పరీక్ష, స్కిల్‌/ ప్రాక్టికల్‌ టెస్ట్‌ల ఆధారంగా అభ్యర్థులను ఎంపిక చేస్తారు. అభ్యర్థులందరికీ రాత పరీక్ష ఉంటుంది. దీంట్లో అర్హత పొందిన, అవసరమైన అభ్యర్థులకు స్కిల్‌/ ప్రాక్టికల్‌ టెస్ట్‌ను నిర్వహిస్తారు.
మొత్తం 54 ఉద్యోగాల్లో.. జూనియర్ ఆపరేటివ్‌ ట్రైనీ-ఫిట్టర్‌-13, జేవోటీ-వెల్డర్‌-02, జేవోటీ-ఎలక్ట్రీషియన్‌-06.. సీనియర్‌ ఆపరేటివ్‌ ట్రైనీ-మెటలర్జీ-20, ఎస్‌వోటీ-మెకానికల్‌-10, ఎస్‌వోటీ-ఎలక్ట్రికల్‌-03 ఉన్నాయి. జేవోటీలో 5, ఎస్‌వోటీలో 5 పోస్టులను ఎక్స్‌సర్వీస్‌మెన్‌కు రిజర్వు చేశారు.
జేవోటీ పోస్టులకు.. ఎస్‌ఎస్‌సీ, ఐటీఐ ఫిట్టర్‌/వెల్డర్‌/ఎలక్ట్రీషియన్‌ పాసవడంతోపాటు.. నేషనల్‌ అప్రెంటిస్‌షిప్‌ సర్టిఫికెట్‌ ఉండాలి. అభ్యర్థుల గరిష్ఠ వయసు 30 సంవత్సరాలు. ఎస్‌వోటీ పోస్టులకు.. మెటలర్టికల్‌ ఇంజినీరింగ్‌/ మెకానికల్‌ ఇంజినీరింగ్‌/ ఎలక్ట్రికల్‌ ఇంజినీరింగ్‌ డిప్లొమా 60 శాతం మార్కులతో పాసవ్వాలి. ఎస్సీ, ఎస్టీ అభ్యర్థులు ఇంజినీరింగ్‌ డిప్లొమా 45 శాతం మార్కులతో పాసైతే సరిపోతుంది. అభ్యర్థుల గరిష్ఠ వయసు 35 సంవత్సరాలు. ఎస్సీ/ఎస్టీ/ఈడబ్ల్యూఎస్‌/ఓబీసీ అభ్యర్థులకు గరిష్ఠ వయసులో మినహాయింపులు వర్తిస్తాయి. దరఖాస్తు ఫీజు రూ.100. ఎస్సీ/ ఎస్టీ/ పీడబ్ల్యూడీ/ ఈఎస్‌ఎం అభ్యర్థులకు ఫీజు లేదు. జేవోటీ పోస్టులకు వేతనం నెలకు రూ.20,000, ఎస్‌వోటీలకు వేతనం రూ.21,900 ఉంటుంది. మూలవేతనంతోపాటుగా డీఏ, హెచ్‌ఆర్‌ఏ, పెర్క్స్, ఈపీఎఫ్, గ్రాట్యుటీ, ఇతర పోత్సాహకాలూ ఉంటాయి.
ఎంపిక ఎలా?
‣ రాత పరీక్ష, స్కిల్‌/ ట్రేడ్‌ టెస్ట్‌ ఆధారంగా అభ్యర్థులను ఎంపిక చేస్తారు.
‣ వచ్చిన దరఖాస్తుల నుంచి.. విద్యార్హతల ఆధారంగా కొంతమంది అభ్యర్థులను ఎంపికచేసి... రాత పరీక్ష నిర్వహిస్తారు. దీంట్లో అర్హత సాధించినవారిని స్కిల్‌/ ట్రేడ్‌టెస్ట్‌కు ఎంపికచేస్తారు.
‣ రాత పరీక్ష 100 మార్కులకు ఇంగ్లిష్‌లో ఉంటుంది. వ్యవధి 90 నిమిషాలు. విద్యార్హతలకు 10 మార్కులు.. అదనపు విద్యార్హతలకు 2 మార్కుల చొప్పున గరిష్ఠంగా 15 మార్కుల వరకూ కేటాయిస్తారు.
‣ రాత పరీక్షతోపాటుగా ప్రాక్టికల్‌/ ట్రేడ్‌ టెస్టులను కూడా ఇంగ్లిష్‌లోనే నిర్వహిస్తారు.
‣ నెగెటివ్‌ మార్కులు లేవు. బాగా తెలిసిన ప్రశ్నలకు ముందుగా సమాధానాలను రాయాలి. తర్వాత కాస్త సమయం తీసుకుని ఆలోచించి.. మిగతా ప్రశ్నలకు జవాబులు రాయాలి.
‣ ఎంపిక ప్రక్రియను ఏ తేదీన, ఎక్కడ నిర్వహించేదీ అభ్యర్థుల ఈమెయిల్‌కు తెలియజేస్తారు. లేదా సంస్థ వెబ్‌సైట్‌ ద్వారా సమాచారాన్ని అందుబాటులో ఉంచుతారు.
‣ సెలెక్షన్‌కు అభ్యర్థులు.. విద్యార్హతలు, వయసు, కేటగిరీ, ఎంప్లాయ్‌మెంట్‌ రిజిస్ట్రేషన్‌ కార్డ్‌.. ఒరిజినల్‌ సర్టిఫికెట్లతో హాజరు కావాలి.
గుర్తుంచుకోవాల్సినవి
‣ 18.10.2023 నాటికి తగిన వయసు, విద్యార్హతలు ఉన్న అభ్యర్థులు మాత్రమే దరఖాస్తు చేయాలి.
‣ ప్రకటనలోని పూర్తి వివరాలను చదివిన తర్వాతే ఆన్‌లైన్‌ దరఖాస్తును నింపాలి. ప్రస్తుతం ఉపయోగిస్తోన్న మొబైల్‌ నంబర్, ఈమెయిల్‌ ఐడీలను మాత్రమే దరఖాస్తులో రాయాలి.
‣ దరఖాస్తు ప్రింటవుట్‌ తీసుకుని భద్రపరుచుకోవాలి. హార్డ్‌కాపీలను పంపనవసరం లేదు.
దరఖాస్తుకు చివరి తేదీ: 01.11.2023
వెబ్‌సైట్‌: https://midhani-india.in/
మరింత సమాచారం... మీ కోసం!
‣ ‘క్యాట్‌’ స్కోరుకు సన్నద్ధత!
‣ ఐటీ ఉద్యోగానికి టెక్‌ స్కిల్స్‌!
‣ ఆత్మవిశ్వాసంతో అద్భుత విజయాలు!
‣ పీజీ విద్యార్థులకు పది వేల స్కాలర్‌షిప్పులు (చివరి తేదీ: డిసెంబరు 31, 2023)
‣ ఒత్తిడిని జయించే మార్గాలివిగో!
‣ డిగ్రీ ప్రతిభావంతులకు కేంద్రం ఆసరా (చివరి తేదీ: డిసెంబరు 31, 2023)
