ప్రశ్నలు - జ‌వాబులు
అతి స్వల్ప సమాధాన ప్రశ్నలు
1. సంచార వ్యవస్థ ప్రాథమిక అంగాలు ఏమిటి?
జ: ప్రసారిణి, ప్రసార ఛానెల్, గ్రాహకాలు సంచార వ్యవస్థ ప్రాథమిక అంగాలు.
2. ప్రపంచ వ్యాప్త వెబ్ (www) అంటే ఏమిటి?
జ: www అనేది విజ్ఞానానికి సంబంధించిన బృహత్ ఎన్‌సైక్లోపీడియా. ఇది ఎప్పుడూ 24 గంటలూ అందరికీ అందుబాటులో ఉండే వ్యవస్థ.
3. మాడ్యులేషన్‌ను నిర్వచించండి. ఇది ఎందుకు అవసరం?
జ: తక్కువ పౌనఃపున్యం ఉన్న సందేశ సంకేతాలను ఎక్కువ పౌనఃపున్యం ఉన్న వాహక సంకేతాలతో అధ్యారోపణం చెందించే ప్రక్రియను మాడ్యులేషన్ అంటారు. తక్కువ పౌనఃపున్యం ఉన్న సంకేతాలు ఎక్కువ దూరం ప్రయాణించలేవు. కాబట్టి మాడ్యులేషన్ అవసరం.
4. మాడ్యులేషన్ ప్రాథమిక పద్ధతులను తెలపండి?
జ: మాడ్యులేషన్ ప్రాథమిక పద్ధతులు
1) కంపన పరిమితి మాడ్యులేషన్ (AM).
2) పౌనఃపున్య మాడ్యులేషన్ (FM).
3) దశా మాడ్యులేషన్ (PM).
5. వాక్ సంకేతాల పౌనఃపున్య వ్యాప్తిని తెలపండి?
జ: 20 Hz నుంచి 20 KHz
6. దృశాతంతువు ద్వారా ప్రసారం చేయగలిగే TV సంకేతాల గరిష్ఠ సంఖ్య ఎంత?
జ:
7. రేడియో తరంగాల ప్రసారానికి వివిధ పద్ధతులు ఏవి?
జ: రేడియో తరంగాలు మూడు పద్ధతుల్లో ప్రసారమవుతాయి.
1) భూతరంగ ప్రసారం
2) వ్యోమ తరంగ ప్రసారం
3) అంతరిక్ష తరంగ లేదా ప్రత్యక్ష తరంగ ప్రసారం.
8. భూతరంగ ప్రసారం అంటే ఏమిటి?
జ: భూమికి దగ్గరగా 2 MHz కంటే తక్కువ పౌనఃపున్యంతో జరిపే సంచార ప్రసారాన్ని భూతరంగ ప్రసారం అంటారు.
9. వ్యోమ తరంగ ప్రసరణం అంటే ఏమిటి?
జ: సుమారు 30 MHz పౌనఃపున్యం వరకు ఐనో ఆవరణం నుంచి పరావర్తనం చెందే విద్యుదయస్కాంత తరంగాలను ఎక్కువ దూరం ప్రసారం చేయడాన్ని వ్యోమ తరంగ ప్రసరణం అంటారు.
10. దృష్టిరేఖా సంచారంలో hT ఎత్తున్న టవర్ ఉద్గారించే వ్యాప్తి ఎంత?
జ:
ఇక్కడ R - భూమి వ్యాసార్ధం.
11. మొబైల్ ఫోన్లలో ఏరకమైన సంచారం ఉంటుంది?
జ: మొబైల్ ఫోన్లలో వైర్‌లెస్ సంచారం ఉంటుంది. ఇందులో అంతరిక్ష తరంగాలను ఉపగ్రహ సంచారానికి ఉపయోగిస్తారు.
