బహుళైచ్ఛిక ప్రశ్నలు
1. దేశంలోని వాతావరణాన్ని ముందుగానే అంచనా వేయగలగడం
A) సులభతరమైంది B) వేగవంతమైంది C) మరింత కష్టతరమైంది D) ఇవేవీకావు
జ: C(మరింత కష్టతరమైంది)
2. ఒక ప్రాంతంలోని నిర్దిష్ట సమయంలో వాతావరణ పరిస్థితులను ఏమంటారు?
జ: వాతావరణం
3. ఒక విశాల ప్రాంతంలో కొన్ని సంవత్సరాలపాటు ఒక క్రమాన్ని కనబరిచే వాతావరణ పరిస్థితులను ఏమంటారు?
జ: శీతోష్ణస్థితి
4. ప్రతి సంవత్సరం ....... సంవత్సరాలపాటు కనపడిన వాతావరణ పరిస్థితులను ఆ ప్రాంత శీతోష్ణస్థితి అంటారు.
జ: 30
5. శీతోష్ణస్థితిలో ముఖ్యమైన ఉష్ణోగ్రత (అత్యధిక, అత్యల్ప), వర్షపాతాలను వేటి ద్వారా చూపించవచ్చు?
జ: క్లైమాటోగ్రాఫ్
6. 'శీతోష్ణస్థితి కారకాలు' అంటే...
జ: శీతోష్ణస్థితిని ప్రభావితం చేసే అంశాలు
7. భూమధ్యరేఖ నుంచి దూరం పెరుగుతున్న కొద్దీ వార్షిక సగటు ఉష్ణోగ్రతలు ఎలా ఉంటాయి?
జ: తగ్గుతాయి
8. భూమధ్యరేఖకు దగ్గరగా ఉన్న ప్రాంతాలు ఏవి?
జ: ఉష్ణప్రాంతాలు
9. భారతదేశంలో దక్షిణ ప్రాంతం ఏ రేఖకు దగ్గరగా ఉన్న కారణంగా ఈ ప్రాంతంలో సగటు ఉష్ణోగ్రతలు ఉత్తర ప్రాంతం కంటే ఎక్కువగా ఉంటాయి?
జ: భూమధ్యరేఖ
10. భారతదేశం సుమారుగా ఏ అక్షాంశాల మధ్య విస్తరించి ఉంది?
జ: 8° - 37° ఉత్తర అక్షాంశాలు
11. భారతదేశాన్ని ఇంచుమించు రెండు సమభాగాలుగా విభజించే రేఖ
జ: కర్కటరేఖ
12. ఏ ప్రాంతాలు సూర్యరశ్మిని తిరిగి వాతావరణంలోకి ప్రసరింపజేస్తాయి?
జ: మంచుతో కప్పబడిన ప్రాంతాలు
13. నిదానంగా వేడెక్కి, నిదానంగా చల్లారేవి
A) సముద్రాలు B) మైదానాలు C) పర్వతాలు D) తీరమైదానాలు
జ: A(సముద్రాలు)
14. సముద్రమట్టం నుంచి ఎత్తుకు వెళ్లేకొద్దీ ఉష్ణోగ్రత
జ: తగ్గుతుంది
15. కిందివాటిలో వేసవి విడిది కానిది
A) సిమ్లా B) నైనిటాల్ C) జైపూర్ D) డార్జిలింగ్
జ: C(జైపూర్)
16. కింది ఏ ప్రాంతాన్ని ఊటీ అని కూడా అంటారు?
A) కొడైకెనాల్ B) గుల్మార్గ్ C) మౌంట్ అబు D) ఉదగ మండలం
జ: D(ఉదగ మండలం)
17. 'ట్రేడ్' అనేది ఏ భాషా పదం?
జ: జర్మన్
18. 'ట్రాక్' అంటే...
జ: ఒకే దిశలో స్థిరంగా పయనించే గాలులు
19. భారతదేశం ఏ మేఖలలో ఉంది?
జ: శుష్క ఈశాన్య పవనాలు
20. జెట్ ప్రవాహం నేల నుంచి ....... మీటర్ల ఎత్తులో ప్రవహిస్తుంది.
జ: 12,000
21. 25° ఉత్తర అక్షాంశం వద్ద ఏర్పడే తూర్పు జెట్ ప్రవాహం వల్ల ఏం జరుగుతుంది?
జ: ఉష్ణోగ్రత చల్లబడి, మేఘాలు వర్షిస్తాయి
22. భారతదేశంలో జనవరిలో అత్యల్ప ఉష్ణోగ్రతలు ఎక్కడ నమోదవుతాయి?
జ: ఉత్తర భారతదేశం
23. పశ్చిమ విక్షోభాలనే తుపాను, వాయుగుండాలు ఏ సముద్రం మీద నుంచి వస్తాయి?
జ: మధ్యధరా
24. కిందివాటిలో రబీ కాలంలో సాగు చేసే పంట
A) వరి B) చెరకు C) వేరుశనగ D) గోధుమ
జ: D(గోధుమ)
25. ఈశాన్య గాలుల వల్ల ఏ తీరప్రాంతంలో ఎక్కువ వర్షపాతం కురుస్తుంది?
జ: కోరమాండల్ తీరం
26. భారతదేశంలో ఉత్తరాది మైదానాల్లో వీచే స్థానిక పవనాలు
జ: 'లూ' పవనాలు
27. తొలకరి జల్లులను ఆంధ్రప్రదేశ్లో స్థానికంగా ఏమని పిలుస్తారు?
జ: మామిడి జల్లులు
28. కాలానుగుణంగా గాలుల దిశ మారడాన్ని 'మాన్సూన్' అని పేరుపెట్టినవారు
జ: అరబ్బులు
29. ఉష్ణ ప్రాంతంలో సుమారుగా 20° ఉత్తర - 20° దక్షిణ అక్షాంశాల మధ్య ఇవి ఏర్పడతాయి.
A) తుపానులు B) వాయుగుండాలు C) రుతుపవనాలు D) వ్యాపార పవనాలు
జ: C(రుతుపవనాలు)
30. భారత ద్వీపకల్పం నైరుతి రుతుపవనాలను విభజించిన శాఖలు
జ: అరేబియా, బంగాళాఖాతం శాఖలు
31. భారతదేశంలో 'రుతుపవనారంభం' ఏ నెలలో జరుగుతుంది?
జ: జూన్
32. వేడిమి పెరుగుతున్న నెలల నుంచి పొడిగా ఉండే చలి పరిస్థితుల మధ్య సంధికాలంగా ఉండే నెలలు
జ: అక్టోబరు, నవంబరు
33. 'అక్టోబరు వేడిమి' అంటే...
జ: చాలా ఉక్కబోతగా ఉండే పరిస్థితి
34. బంగాళాఖాతంలో ఏ నెల ఆరంభంలో అల్పపీడన పరిస్థితులు ఏర్పడతాయి?
జ: నవంబరు
35. ఏ తీరంలో తుపాను, వాయుగుండాల వల్ల అధిక శాతం వర్షం సంభవిస్తుంది?
జ: కోరమాండల్
36. భారత సంప్రదాయం ప్రకారం ..... నెలలు ఉండే ..... రుతువులుగా సంవత్సరాన్ని విభజించారు?
జ: 2, 6
37. 'హరితగృహ' ప్రభావం అంటే....
జ: వాతావరణం కొంత సౌరశక్తిని పట్టి ఉంచడం
38. మానవ కారణంగా భూగోళం వేడెక్కడాన్ని ఏమంటారు?
జ: AGW
39. AGW అంటే...
జ: ఆంథ్రోపోజెనిక్ గ్లోబల్ వార్మింగ్
40. ఉత్తర అక్షాంశాల వద్ద టండ్రాల కింద ఏ వాయువు ఉంది?
జ: మీథేన్
41. ప్రపంచ దేశాల మధ్య శీతోష్ణస్థితి మార్పుపై ఏర్పడిన అంతర ప్రభుత్వ సంఘం
జ: IPCC
42. 2013లో వాతావరణంలోని మార్పులను తగ్గించడానికి ప్రపంచ దేశాలు ఎక్కడ సమావేశమయ్యాయి?
జ: పోలండ్
43. భూగోళం వేడెక్కడానికి దోహదం చేసే మానవ కారణ అంశాల్లో ఇదొకటి
A) అడవులను పెంచడం B) పరిశ్రమలను స్థాపించడం
C) వ్యవసాయం చేయడం D) అడవులను నరికేయడం
జ: D(అడవులను నరికేయడం)
44. సగటు ఉష్ణోగ్రతలు 2° సెంటిగ్రేడులు పెరిగితే వచ్చే శతాబ్దం ఆరంభం నాటికి సముద్ర మట్టం ఎంత పెరుగుతుంది?
జ: ఒక మీటరు
45. సుందర్బన్ ప్రాంతాన్ని అతలాకుతలం చేసిన ఐలా తుపాను ఏ సంవత్సరంలో సంభవించింది?
జ: 2009
46. శీతోష్ణస్థితిలోని అంశాలు...
A) ఉష్ణోగ్రత B) వాతావరణ పీడనం C) ఆర్ద్రత D) పైవన్నీ
జ: D( పైవన్నీ)