‣ 74 సీనియర్‌ మేనేజర్‌, ఆఫీసర్‌, ఎంటీ ఖాళీలకు ప్రకటన
భారతదేశంలోనే మొదటి ఎరువుల కర్మాగారం.. కేంద్ర ప్రభుత్వరంగ సంస్థ అయిన ఫెర్టిలైజర్స్‌ అండ్‌ కెమికల్స్‌ ట్రావెన్‌కోర్‌ లిమిటెడ్‌ (ఫ్యాక్ట్‌).. కేరళలోని కొచ్చిలో ఉంది. ఎరువుల తయారీ, మార్కెటింగ్‌లో ప్రత్యేకత సాధించిన ఈ సంస్థ 74 వివిధ పోస్టుల భర్తీకి ప్రకటన విడుదల చేసింది.
సేల్స్, ప్రాసెస్, హ్యూమన్‌ రిసోర్స్, సివిల్, ఫిట్టర్‌ కమ్‌ మెకానిక్, క్రాఫ్ట్స్మ్యాన్, శానిటరీ ఇన్‌స్పెక్టర్‌ మొదలైన విభాగాల్లో ఖాళీలు ఉన్నాయి.
ఏ అర్హతలుండాలి?
1. సీనియర్‌ మేనేజర్‌ (సివిల్): సివిల్ ఇంజినీరింగ్‌ పాసై కన్‌స్ట్రక్షన్‌ రంగంలో ఎగ్జిక్యూటివ్‌గా తొమ్మిదేళ్ల అనుభవం ఉండాలి. లేదా భారీ ఫెర్టిలైజర్‌/ కెమికల్‌/ పెట్రోకెమికల్‌ మెయింటెనెన్స్‌ విభాగంలో పనిచేసిన అనుభవం అవసరం.
2. సీనియర్‌ మేనేజర్‌ (హ్యూమన్‌ రిసోర్సెస్‌ అండ్‌ అడ్మినిస్ట్రేషన్‌): హెచ్‌ఆర్‌/ పర్సనల్‌ మేనేజ్‌మెంట్‌/ఇండస్ట్రియల్‌ రిలేషన్స్‌/లేబర్‌ వెల్ఫేర్‌/సోషల్‌ వర్క్‌లో పీజీ పాసవ్వాలి. పైన పేర్కొన్న విభాగాల్లో ఎగ్జిక్యూటివ్‌గా తొమ్మిదేళ్ల అనుభవం ఉండాలి. మేనేజర్‌ కేటగిరీ పోస్టులకు వయసు 45 సంవత్సరాలు మించకూడదు.
3. ఆఫీసర్‌ (సేల్స్): అగ్రికల్చర్‌ బీఎస్సీ 60 శాతం మార్కులతో పాసవ్వాలి. 26 సంవత్సరాలు మించకూడదు. గరిష్ఠ వయసు 26 సంవత్సరాలు.
4. మేనేజ్‌మెంట్‌ ట్రెయినీ (కెమికల్‌): కెమికల్‌ ఇంజినీరింగ్‌ /పెట్రోకెమికల్‌ ఇంజినీరింగ్‌ /కెమికల్‌ టెక్నాలజీ /పెట్రోకెమికల్‌ టెక్నాలజీ 60 శాతం మార్కులతో పాసవ్వాలి.
5. మేనేజ్‌మెంట్‌ ట్రెయినీ (ఎలక్ట్రికల్‌): ఎలక్ట్రికల్‌ ఇంజినీరింగ్‌/ ఎలక్ట్రికల్‌ అండ్‌ ఎలక్ట్రానిక్స్‌ లేదా ఎలక్ట్రికల్‌ అండ్‌ ఇన్‌స్ట్రుమెంటేషన్‌ ఇంజినీరింగ్‌ 60 శాతం మార్కులతో పాసవ్వాలి.
6. మేనేజ్‌మెంట్‌ ట్రెయినీ (ఇన్‌స్ట్రుమెంటేషన్‌): ఇన్‌స్ట్రుమెంటేషన్‌/ ఇన్‌స్ట్రుమెంటేషన్‌ అండ్‌ కంట్రోల్‌/ ఎలక్ట్రానిక్స్‌ అండ్‌ ఇన్‌స్ట్రుమెంటేషన్‌/ ఎలక్ట్రికల్‌ అండ్‌ ఇన్‌స్ట్రుమెంటేషన్‌ ఇంజినీరింగ్‌ 60 శాతం మార్కులతో పాసవ్వాలి.
7. మేనేజ్‌మెంట్‌ ట్రెయినీ (మార్కెటింగ్‌): మార్కెటింగ్‌ మేనేజ్‌మెంట్‌/ అగ్రి బిజినెస్‌ మేనేజ్‌మెంట్‌లో పీజీ 60 శాతం మార్కులతో పాసవ్వాలి.
8. మేనేజ్‌మెంట్‌ ట్రెయినీ (ఫైనాన్స్‌): చార్టర్డ్‌ అకౌంటెన్సీ/ సీఎంఏ/ ఐసీడబ్ల్యూఏ పాసవ్వాలి. మేనేజ్‌మెంట్‌ ట్రెయినీ పోస్టులన్నింటికీ గరిష్ఠ వయసు 26 సంవత్సరాలు.
9. టెక్నీషియన్‌ (ప్రాసెస్): కెమికల్‌/ఇండస్ట్రియల్‌ కెమిస్ట్రీలో బీఎస్సీ డిగ్రీ లేదా కెమికల్‌ ఇంజినీరింగ్‌/ కెమికల్‌ టెక్నాలజీలో ఇంజినీరింగ్‌ డిప్లొమా పాసై రెండేళ్ల అనుభవం ఉండాలి.
10. శానిటరీ ఇన్‌స్పెక్టర్‌: పదోతరగతి, శానిటరీ ఇన్‌స్పెక్టర్‌ కోర్సులో డిప్లొమా పాసవ్వాలి. హాస్పిటళ్లు/ పరిశ్రమలు/ ప్రభుత్వ విభాగాల్లో ఐదేళ్ల పని అనుభవం ఉండాలి.
11. క్రాఫ్ట్స్మ్యాన్ (ఫిట్టర్‌ కమ్‌ మెకానిక్): పదోతరగతి పాసై.. ఫిట్టర్‌/ మెకానిక్ నేషనల్‌ ట్రేడ్‌ సర్టిఫికెట్‌ ఉండాలి. భారీ ఫెర్టిలైజర్‌/ కెమికల్‌/ పెట్రోకెమికల్‌ పరిశ్రమలో రెండేళ్ల పని అనుభవం అవసరం.
12. క్రాఫ్ట్స్మ్యాన్ (ఎలక్ట్రికల్‌): పదో తరగతి పాసై.. ఎలక్ట్రీషియన్‌గా నేషనల్‌ ట్రేడ్‌ సర్టిఫికెట్‌ ఉండాలి. ఫెర్టిలైజర్‌/ కెఇకల్‌/ పెట్రో కెమికల్‌/ ఎలక్ట్రికల్‌ పవర్‌ జనరేషన్‌ ప్లాంట్‌లో రెండేళ్ల పని అనుభవం అవసరం.
13. క్రాఫ్ట్స్మ్యాన్ (ఇన్‌స్ట్రుమెంటేషన్‌): పదో తరగతి పాసై.. ఇన్‌స్ట్రుమెంటేషన్‌లో నేషనల్‌ ట్రేడ్‌ సర్టిఫికెట్‌ ఉండాలి. భారీ పరిశ్రమల్లో రెండేళ్లు పనిచేసిన అనుభవం అవసరం.
14. రిగ్గర్‌ అసిస్టెంట్‌: పదో తరగతి పాసవ్వాలి. మెటీరియల్స్‌ హ్యాండ్లింగ్, రిగ్గింగ్‌ ఉద్యోగాల్లో ఐదేళ్ల అనుభవం అవసరం. టెక్నీషియన్‌ పోస్టులన్నింటికీ గరిష్ఠ వయసు 35 సంవత్సరాలు.
ఎంపిక ఇలా
పోస్టును బట్టి సీబీటీ/ ప్రాక్టికల్‌ టెస్ట్‌/ షార్ట్‌లిస్టింగ్‌/ ఇంటర్వ్యూ ఆధారంగా అభ్యర్థులను ఎంపికచేస్తారు.
‣ 1, 2 పోస్టులకు అర్హతల ఆధారంగా షార్ట్‌లిస్టును తయారుచేసి.. అర్హులకు కొచ్చిలో ఇంటర్వ్యూ నిర్వహిస్తారు.
‣ పోస్ట్‌ నంబర్‌ 3కి సీబీటీ, పర్సనల్‌ ఇంటర్వ్యూ ఆధారంగా అభ్యర్థులను ఎంపిక చేస్తారు. పరీక్ష దిల్లీ, హైదరాబాద్, చెన్నై, తిరువనంతపురం, కొచ్చీల్లో.. పర్సనల్‌ ఇంటర్వ్యూ కొచ్చిలో జరుగుతుంది.
‣ 4-8 పోస్టులకు అభ్యర్థులను సీబీటీ, గ్రూప్‌ డిస్కషన్, పర్సనల్‌ ఇంటర్వ్యూ ఆధారంగా ఎంపికచేస్తారు.
‣ 9, 10 పోస్టులకు అభ్యర్థుల ఎంపిక సీబీటీ ఆధారంగా ఉంటుంది.
‣ 11-13 పోస్టులకు అభ్యర్థులను సీబీటీ, స్కిల్‌ టెస్ట్‌ ఆధారంగా ఎంపికచేస్తారు.
‣ 14 పోస్టుకు అభ్యర్థుల ఎంపిక ప్రాక్టికల్‌ టెస్ట్‌ ఆధారంగా ఉంటుంది.
కంప్యూటర్‌ బేస్డ్‌ టెస్ట్‌ (సీబీటీ)
దీంట్లో రెండు పార్ట్‌లు ఉంటాయి. ప్రశ్నపత్రం ఇంగ్లిష్, హిందీ భాషల్లో.. ఆబ్జెక్టివ్‌ టైప్, మల్టిపుల్‌ ఛాయిస్‌ విధానంలో ఉంటుంది. మేనేజర్‌ (3-8) పోస్టులకు పరీక్ష వ్యవధి 120 నిమిషాలు. పార్ట్‌-1లోని 60 ప్రశ్నల్లో.. మేనేజ్‌మెంట్‌ ఆప్టిట్యూడ్‌ (40), జనరల్‌ ఇంగ్లిష్ (10), జనరల్‌ నాలెడ్జ్‌ (10) ఉంటాయి. కరెక్టు సమాధానానికి 1 మార్కు. ప్రతి తప్పు సమాధానానికీ 0.33 మార్కులు తగ్గిస్తారు.
‣ పార్ట్‌-2లో టెక్నికల్‌ ఆప్టిట్యూడ్‌/ సబ్జెక్టు పరిజ్ఞానంపై 60 ప్రశ్నలుంటాయి. సరైన సమాధానానికి 1.5 మార్కులు. తప్పు రాస్తే అర మార్కు తగ్గిస్తారు.
దరఖాస్తుకు చివరి తేదీ: 16.05.2023
వెబ్‌సైట్‌: https://fact.co.in/home/Dynamicpages?MenuId=90
********************************************************
మరింత సమాచారం... మీ కోసం!
‣ షిప్పింగ్‌ కోర్సులతో మేటి అవకాశాలు
‣ డిప్లొమాతో ఎన్‌టీపీసీలో కొలువులు
‣ క్రీడా నిర్వహణ కోర్సుల్లోకి ఆహ్వానం
