‣ జూనియర్ అసిస్టెంట్ ఖాళీల భ‌ర్తీకి ప్ర‌క‌ట‌న
ఇంజినీరింగ్, టెక్నాలజీ, సైన్స్, ఆర్ట్స్‌ శాఖల్లో విద్యా, పరిశోధనా బోధనల్లో పేరొందిన ఇండియన్‌ ఇన్‌స్టిట్యూట్‌ ఆఫ్‌ టెక్నాలజీ - కాన్పూర్‌ ‘జూనియర్ అసిస్టెంట్’ పోస్టులకు దరఖాస్తులను కోరుతోంది. అభ్యర్థులను రెగ్యులర్‌ ప్రాతిపదికన ఉద్యోగంలోకి తీసుకుంటారు. డిగ్రీ పాసై కంప్యూటర్‌ పరిజ్ఞానం ఉన్నవారు దరఖాస్తు చేసుకోవచ్చు. ఏడాది ప్రొబేషనరీ పీరియడ్‌ ఉంటుంది. అభ్యర్థి పనితీరును బట్టి దీన్ని పెంచే అవకాశముంది.
ఈ పోస్టుల్లో నియామకం పొందినవారు ఇన్‌కమింగ్, ఔట్‌గోయింగ్‌ మెయిల్, ఎస్టేట్‌ మేనేజ్‌మెంట్, పర్చేస్‌ అండ్‌ ఇంపోర్ట్‌ ఎకౌంట్స్, ఆడిట్‌/ హాస్పిటాలిటీ/ రిక్రూట్‌మెంట్‌/ లీగల్‌/ ఆర్‌ అండి డి, ఎస్టాబ్లిష్‌మెంట్‌ వ్యవహారాల విధులను నిర్వర్తించాల్సివుంటుంది.
ప్రకటించిన మొత్తం 119 ఖాళీల్లో ఎస్సీలకు 15, ఎస్టీలకు 2, ఓబీసీలకు 34, పీడబ్ల్యూడీలకు 6, ఈడబ్ల్యూఎస్‌లకు 11, అన్‌-రిజర్వుడ్‌కు 51 పోస్టులను కేటాయించారు. ఈ పోస్టులకు దరఖాస్తు చేయాలంటే.. అభ్యర్థి వయసు 09.11.2022 నాటికి 21-30 సంవత్సరాల మధ్య ఉండాలి. ఎస్సీ/ ఎస్టీ/ ఓబీసీ కేటగిరీలకు చెందిన అభ్యర్థులకు ప్రభుత్వ నిబంధనలకు అనుగుణంగా రిజర్వేషన్లు వర్తిస్తాయి. తగిన విద్యార్హతలు ఉంటే ఐఐటీ కాన్పూర్‌లో పనిచేస్తోన్న ఉద్యోగులూ ఈ పోస్టులకు దరఖాస్తు చేసుకోవచ్చు. వారికి నిర్దేశించిన గరిష్ఠ వయసు 50 సంవత్సరాలు.
విద్యార్హతలు: డిగ్రీ పాసై కంప్యూటర్‌ పరిజ్ఞానం తప్పనిసరిగా ఉండాలి. డిగ్రీలో 50 శాతం మార్కులు అవసరం. ఎస్టాబ్లిష్‌మెంట్‌ మేటర్స్‌/ ఆర్‌అండ్‌డి/ లీగల్‌/ పర్చేస్‌ అండ్‌ ఇంపోర్ట్‌/ అకౌంట్స్‌/ ఆడిట్‌/హాస్పిటాలిటీ మొదలైన విషయాల్లో రెండేళ్ల అనుభవం ఉన్నవారికి ప్రాధాన్యమిస్తారు.
దరఖాస్తు రుసుము: రూ.700 ఆన్‌లైన్‌ విధానంలో చెల్లించాలి. ఎస్సీ/ ఎస్టీ/ పీడబ్ల్యూడీ అభ్యర్థులు, మహిళలు ఫీజు చెల్లించనవసరం లేదు.
‣ అర్హులైన అభ్యర్థులు ఆన్‌లైన్‌లో మాత్రమే దరఖాస్తు చేయాలి. అప్లికేషన్‌ ప్రింట్‌ అవుట్‌ను పోస్టులో పంపాల్సిన అవసరం లేదు. సగం పూర్తిచేసిన, సంబంధిత పత్రాలను జతపరచని దరఖాస్తులను అనుమతించరు.
‣ వయసు, విద్యార్హతలను నిరూపించే ఒరిజినల్‌ సర్టిఫికెట్లను అవసరమైనప్పుడు సమర్పించాలి. ఎంపికలో పీడబ్ల్యూడీ (పర్సన్స్‌ విత్‌ డిజెబిలిటీ) అభ్యర్థులకు ప్రాధాన్యమిస్తారు.
‣ కాల్‌ లెటర్, ఇంటర్వ్యూ, ఎంపికకు సంబంధించిన సమాచారాన్ని అభ్యర్థుల ఈ-మెయిల్‌కు తెలియజేస్తారు. దరఖాస్తు నింపే సమయంలో అభ్యర్థులు ఈ-మెయిల్ ఐడీని సరిగా రాయాలి.
‣ రాత పరీక్ష, జాబ్‌ ఓరియంటెడ్‌ ప్రాక్టీస్‌ టెస్ట్‌ ద్వారా అభ్యర్థుల ఎంపిక ఉంటుంది. వీటిల్లో ఎలాంటి మార్పులూ, చేర్పులూ జరిగినా సంస్థ వెబ్‌సైట్‌లో తెలియజేస్తారు. కాబట్టి అభ్యర్థులు తరచూ వెబ్‌సైట్‌ను చూస్తుండాలి.
‣ జాబ్‌ ఓరియంటెడ్‌ ప్రాక్టీస్‌ టెస్ట్‌కు ఎంపికైన అభ్యర్థులు.. అప్పటికే గవర్నమెంట్‌/ సెమీ-గవర్నమెంట్‌/ పీఎస్‌యూల్లో పనిచేస్తున్నట్లయితే.. నో అబ్జెక్షన్‌ సర్టిఫికెట్‌ (ఎన్‌ఓసీ)ని తప్పనిసరిగా సమర్పించాలి.
‣ అభ్యర్థులు ఆన్‌లైన్‌లో సమర్పించిన వివరాలను జాబ్‌ ఓరియంటెడ్‌ ప్రాక్టీస్‌ టెస్ట్‌కు ముందే ఒరిజినల్‌ సర్టిఫికెట్లతో సరిచూస్తారు. అన్నీ సక్రమంగా ఉంటేనే ఆ తర్వాతి దశకు ఎంపిక చేస్తారు.
‣ ఆన్‌లైన్‌ దరఖాస్తుకు చివరి తేదీ: 09.11.2022
‣ వెబ్‌సైట్‌: https://www.iitk.ac.in/new/recruitment
********************************************************
మరింత సమాచారం ... మీ కోసం!
‣ ఒక్క ఛాన్స్ కాదు... అనేక ఛాన్సులు!
‣ కోర్సు పూర్తి కాగానే కొలువుల్లోకి!
‣ విదేశీ ఉద్యోగాల కోసం మోసపోవద్దు!
