• facebook
  • whatsapp
  • telegram

Jobs: నియామకాలు బాగుంటాయ్‌

ముంబయి: ఉత్పత్తి ఆధారిత ప్రోత్సాహక పథకం (పీఎల్‌ఐ) కింద పెట్టుబడులు పెరుగుతున్నందున, ప్రస్తుత (జులై -సెప్టెంబరు) త్రైమాసికంలో కంపెనీల నియామక ఆసక్తి 61 శాతం పెరిగినట్లు టీమ్‌లీజ్‌ ఎంప్లాయ్‌మెంట్‌ అవుట్‌లుక్‌ నివేదిక వెల్లడించింది. ఏప్రిల్‌ - జూన్‌లో ఈ ఆసక్తి 54 శాతంగా ఉందని పేర్కొంది. మెట్రో, ప్రథమ శ్రేణి నగరాల్లో నియామక ఆసక్తి 6 శాతం పెరిగి 89 శాతానికి, ద్వితీయ శ్రేణి నగరాల్లో 7 శాతం పెరిగి 62 శాతానికి చేరిందని తెలిపింది. తృతీయ శ్రేణి నగరాల్లో 3 శాతం మేర పెరిగి 37 శాతానికి, గ్రామీణ ప్రాంతాల్లో 2 శాతం పెరిగినట్లు నివేదిక వివరించింది. 14 నగరాల్లోని 23 రంగాలకు చెందిన 900 చిన్న, మధ్య, అగ్రశ్రేణి సంస్థలను సర్వే చేసి టీమ్‌లీజ్‌ ఈ నివేదిక రూపొందించింది.
రంగాలు, నగరాల వారీగా..: తయారీ రంగంలో దిల్లీలో 72 శాతం, ముంబయిలో 59 శాతం, చెన్నైలో 55 శాతం నియామక ఆసక్తి పెరిగింది. సేవల రంగంలో బెంగళూరు 97 శాతం, ముంబయి 81 శాతం, దిల్లీ 68 శాతంతో ముందు వరుసలో ఉన్నాయని పేర్కొంది.

* పర్యాటకం, విమానయానం, గృహ నిర్మాణ రంగాల్లోనూ నియామకాలు పెరగనున్నాయి.  

* వ్యాపార పరిమాణం ప్రకారం చూస్తే.. చిన్న కంపెనీల్లో నియామక ఆసక్తి 6% పెరిగి 47 శాతానికి చేరిందని, మధ్య, పెద్ద స్థాయి సంస్థల్లో 4% పెరిగి 69 శాతానికి చేరింది.

 

ఈ విభాగాల్లో...

ఇంజినీరింగ్‌ ఉద్యోగాలకు నియామక ఆసక్తి 13 శాతం పెరిగి 70 శాతానికి; మార్కెటింగ్‌ ఉద్యోగాలకు 10 శాతం పెరిగి 63 శాతానికి, ఐటీ ఉద్యోగాలకు 8 శాతం పెరిగి 90 శాతానికి చేరినట్లు వివరించింది. ఐటీ, విక్రయాల విభాగాల్లో ఉద్యోగాలకు గిరాకీ బాగుంటుందని, ఇంజినీరింగ్‌, మార్కెటింగ్‌ ఉద్యోగాలకు కూడా అవకాశాలు బాగున్నాయని నివేదిక తెలిపింది.

 

మరింత సమాచారం ... మీ కోసం!

‣ సంప్రదాయ కళల్లో శిక్షణ

‣ మెరుగైన మార్కులు ఎలా?

‣ ఉందా...మీకు రెండో మెదడు?

‣ అన్ని పరీక్షల్లోనూ ఉండే ప్రశ్నలివి!

Read Latest jobs, Latest notifications and Latest govt jobs 

Follow us on Facebook, Twitter, Koo, Share chatGoogle News Subscribe our Youtube Channel.

Posted Date : 07-07-2022

గమనిక : ప్రతిభ.ఈనాడు.నెట్లో వచ్చే ప్రకటనలు అనేక దేశాల నుండి, వ్యాపారస్తులు లేదా వ్యక్తుల నుండి వివిధ పద్ధతులలో సేకరించబడతాయి. ఆయా ప్రకటనకర్తల ఉత్పత్తులు లేదా సేవల గురించి ఈనాడు యాజమాన్యానికీ, ఉద్యోగస్తులకూ ఎటువంటి అవగాహనా ఉండదు. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి తగిన విచారణ చేసి, తగిన జాగ్రత్తలు తీసుకొని కొనుగోలు చేయాలి. ఉత్పత్తులు / సేవలపై ఈనాడు యాజమాన్యానికి ఎటువంటి నియంత్రణ ఉండదు. కనుక ఉత్పత్తులు లేదా సేవల నాణ్యత లేదా లోపాల విషయంలో ఈనాడు యాజమాన్యం ఎటువంటి బాధ్యత వహించదు. ఈ విషయంలో ఎటువంటి ఉత్తర ప్రత్యుత్తరాలకీ తావు లేదు. ఫిర్యాదులు తీసుకోబడవు.