ఇండో-టిబెటన్ బోర్డర్ పోలీస్ ఫోర్స్ (ఐటీబీపీ) సబ్ ఇన్స్పెక్టర్ (స్టాఫ్నర్స్), అసిస్టెంట్ సబ్ ఇన్స్పెక్టర్ (ఫార్మసిస్ట్), హెడ్ కానిస్టేబుల్ (మిడ్వైఫ్-మహిళలు) గ్రూప్-బీ, సీ నాన్గెజిటెడ్, నాన్మినిస్టీరియల్ పోస్టుల భర్తీకి ప్రకటన విడుదల చేసింది. ఆన్లైన్లో దరఖాస్తు చేసుకోవాలి.
మొత్తం ఉద్యోగాల్లో అన్రిజర్వుడ్కు 14, ఓబీసీలకు 7, ఈడబ్ల్యూఎస్లకు 1, ఎస్సీలకు 4, ఎస్టీలకు 3 కేటాయించారు. ఖాళీల సంఖ్య, విద్యార్హతల వివరాలు..
1. సబ్ ఇన్స్పెక్టర్ (స్టాఫ్నర్స్)-10: 10+2, జనరల్ నర్సింగ్ అండ్ మిడ్-వైఫరీ పాసవ్వాలి. కేంద్ర/రాష్ట్ర నర్సింగ్ కౌన్సిల్లో పేరు నమోదు చేసుకోవాలి. నర్సుగా మూడేళ్ల అనుభవం ఉన్నవారికి ప్రాధాన్యమిస్తారు. వయసు 21-30 సంవత్సరాలు ఉండాలి.
2. అసిస్టెంట్ సబ్ ఇన్స్పెక్టర్ (ఫార్మసిస్ట్)-5: ఫిజిక్స్, కెమిస్ట్రీ, బయాలజీ సబ్జెక్టులతో 10+2, ఫార్మసీ డిప్లొమా పాసై, ఫార్మసిస్ట్గా నమోదు చేసుకోవాలి. వయసు 20-28 ఏళ్లు ఉండాలి.
3. హెడ్ కానిస్టేబుల్- (మిడ్వైఫ్-మహిళలు)-14: పదోతరగతి, ఆగ్జిలరీ నర్సింగ్ మిడ్వైఫరీ కోర్సు పాసవ్వాలి. కేంద్ర/ రాష్ట్ర నర్సింగ్ కౌన్సిల్లో నమోదుకావాలి. వయసు 18-25 సంవత్సరాలు ఉండాలి.
గరిష్ఠ వయసులో ఎస్సీ/ఎస్టీలకు ఐదేళ్లు, ఓబీసీలకు మూడేళ్లు, ఎక్స్-సర్వీస్మెన్కు మూడు నుంచి ఎనిమిదేళ్లు, కేంద్రప్రభుత్వ ఉద్యోగులకు ఐదేళ్ల సడలింపు ఉంటుంది.
ఎంపిక: రిక్రూట్మెంట్, ఫిజికల్ ఎఫిషియన్సీ, ఫిజికల్ స్టాండర్డ్ టెస్ట్, ధ్రువపత్రాల పరిశీలన, మెడికల్, ప్రాక్టికల్ పరీక్షల ఆధారంగా ఎంపిక చేస్తారు.
ఫిజికల్ స్టాండర్డ్ టెస్ట్ (పీఎస్టీ): సబ్-ఇన్స్పెక్టర్ (స్టాఫ్నర్స్), అసిస్టెంట్ సబ్ ఇన్స్పెక్టర్ (ఫార్మసిస్ట్) పోస్టులకు పురుష అభ్యర్థుల ఎత్తు 165 సెం.మీ., చాతీ 77-82 సెం.మీ. ఉండాలి. ఎస్టీ కేటగిరీకి చెందిన పురుష అభ్యర్థుల ఎత్తు 162.5 సెం.మీ. ఉండాలి. మహిళలు 150 సెం.మీ. ఎత్తు ఉండాలి. పురుష, మహిళా అభ్యర్థులు ఎత్తు, వయసుకు తగ్గ బరువు ఉండాలి.
‣ హెడ్ కానిస్టేబుల్ (మిడ్వైఫ్-మహిళలు) పోస్టుకు 157 సెం.మీ. ఎత్తు ఉండాలి. ఎస్టీ కేటగిరీకి చెందినవాళ్లు 147.5 సెం.మీ ఉంటే సరిపోతుంది.
ఫిజికల్ ఎఫిషియన్సీ టెస్ట్ (పీఈటీ): సబ్ ఇన్స్పెక్టర్ (స్టాఫ్ నర్స్) పోస్టుకు: పురుషులు 100 మీటర్ల రేస్ను పదహారు సెకన్లలో, 1.6 కి.మీ. పరుగును ఏడు నిమిషాల ముప్పై సెకన్లలో ముగించాలి.
‣ మహిళలు 100 మీటర్ల రేస్ను పద్దెనిమిది సెకన్లలో, 800 మీటర్ల రేస్ను 4 నిమిషాల 45 సెకన్లలో పూర్తిచేయాలి.
‣ అసిస్టెంట్ సబ్ ఇన్స్పెక్టర్ (ఫార్మసిస్ట్), హెడ్ కానిస్టేబుల్ (మిడ్వైఫ్) పోస్టులకు: పురుషులు 1.6 కి.మీ. పరుగును ఏడు నిమిషాల ముప్పై సెకన్లలో ముగించాలి. పదకొండు అడుగుల లాంగ్ జంప్, మూడున్నర అడుగుల హైజంప్లకు మూడు అవకాశాలు ఇస్తారు.
‣ మహిళలు 800 మీటర్ల పరుగును నాలుగు నిమిషాల 45 సెకన్లలో పూర్తిచేయాలి. తొమ్మిది అడుగుల లాంగ్జంప్, మూడు అడుగుల హైజంప్లకు మూడు అవకాశాలు ఇస్తారు.
‣ దీంట్లో అర్హత సాధించనివారిని ఎంపిక చేయరు. ఎక్స్-సర్వీస్మెన్కు పీఈటీ ఉండదు. పీఎస్టీ, రాతపరీక్ష, స్కిల్/ప్రాక్టికల్, వైద్య పరీక్షల్లో అర్హత సాధించాలి.
రాతపరీక్ష
ఆబ్జెక్టివ్ విధానంలో వంద మార్కులకు ఉంటుంది. సీబీటీ/ ఓఎంఆర్ విధానంలో నిర్వహిస్తారు. వ్యవధి రెండు గంటలు.
‣ ఐదు సబ్జెక్టుల నుంచి ప్రశ్నలు అడుగుతారు. జనరల్ ఇంటెలిజెన్స్ అండ్ రీజనింగ్ పది ప్రశ్నలకు పది మార్కులు.
‣ జనరల్ అవేర్నెస్ పది ప్రశ్నలు - పది మార్కులు.
‣ న్యూమరికల్ ఆప్టిట్యూడ్ పది ప్రశ్నలు - పది మార్కులు.
‣ ఇంగ్లిష్/ హిందీ కాంప్రహెన్షన్ - పది ప్రశ్నలు - పది మార్కులు.
‣ ట్రేడ్/ ప్రొఫెషన్కు సంబంధిత ప్రశ్నలు అరవై - అరవై మార్కులు.
‣ నెగెటివ్ మార్కులు లేవు.
‣ ఈ పరీక్షలో అన్రిజర్వుడ్/ఈడబ్ల్యూఎస్ అభ్యర్థులు 35 శాతం, ఎస్సీ, ఎస్టీ, ఓబీసీ (ఎన్సీఎల్) 33 శాతం కనీసార్హత మార్కులు సాధించాలి.
దీంట్లో అర్హత సాధించినవారి ధ్రువపత్రాలను పరిశీలించి ప్రాక్టికల్ పరీక్ష నిర్వహిస్తారు. దీనికి వంద మార్కులు. వైవావోస్కు-40, ఇన్స్ట్రుమెంట్స్ ఐడెంటిఫికేషన్కు-30, ప్రొసీజర్సుకు-30. కనీసార్హత మార్కులు 50 శాతం. దీంట్లో అర్హత సాధించినవారికి వైద్య పరీక్షలు నిర్వహించి కేటగిరీలవారీగా తుది ఎంపిక చేస్తారు.
సన్నద్ధత
వీలైనని మాదిరి ప్రశ్నలను సాధన చేయాలి. రోజువారీ టైమ్టేబుల్ వేసుకుని కచ్చితంగా పాటించాలి.
‣ కనీసం పదిపన్నెండు మాక్ టెస్టులు రాసి ఫలితాలను విశ్లేషించుకోవాలి. తక్కువ మార్కులు వస్తోన్న అంశాలకు అదనపు సమయాన్ని కేటాయించాలి.
‣ ట్రేడ్/ ప్రొఫెషనల్ టెస్టుకు ఎక్కువ మార్కులు కేటాయించారు. సిలబస్ను వివరాలను ప్రకటనలో స్పష్టం చేశారు. ఈ అంశాలను పునశ్చరణ చేసుకుంటే ఎక్కువ మార్కులు సాధించవచ్చు.
‣ నెగెటివ్ మార్కులు లేవు కాబట్టి అన్ని ప్రశ్నలకూ సమాధానాలు రాయడానికి ప్రయత్నించాలి. ముందుగా బాగా తెలిసినవాటికి.. ఆ తర్వాత తెలియని వాటికి ప్రయత్నించాలి. దీంతో సమయం వృథా కాదు.
దరఖాస్తుకు చివరి తేదీ: 28.07.2024
వెబ్సైట్: https://recruitment.itbpolice.nic.in
మరింత సమాచారం... మీ కోసం!
‣ సరైన జవాబులిస్తే ఐటీ కొలువు మీదే!
‣ స్వీయ అవగాహన ఎందుకంత ముఖ్యం?