• facebook
  • twitter
  • whatsapp
  • telegram

తడబడకుండా ప్రసంగం

 

 

నలుగురినీ ఉద్దేశించి మాట్లాడాల్సిన సందర్భాలు, వేదికమీద ప్రదర్శనలివ్వాల్సిన కార్యక్రమాలు... ప్రతి విద్యార్థికీ ఎదురయ్యేవే. కానీ చాలా మంది వెనకడుగేస్తుంటారు. కొన్ని చిన్నచిన్న విషయాలపై శ్రద్ధపెడితే ఈ భయాన్ని అధిగమించవచ్చు!

 

తొలుత బాగా సాధన చేయడం తప్పనిసరి. ఎంత చక్కగా సన్నద్ధం అయితే అంత ఆత్మవిశ్వాసంతో చెప్పాలనుకున్న విషయాన్ని సూటిగా, స్పష్టంగా, ఆహ్లాదకరంగా చెప్పగలుగుతాం. సాంస్కృతిక కార్యక్రమాల్లో పాల్గొన్నప్పుడూ ఇదే సూత్రం పాటించాలి.

 

‣ ఎక్కడ పొరపాటు చేస్తామో అని భయపడకుండా, అంతా బాగానే జరుగుతుందనే ఆశావహ దృక్పథంతో ఉండాలి.  

 

‣ మనం బాగా కంగారు పడినప్పుడు తెలియకుండానే బిగుసుకుపోతుంటాం. అది మరింత అసౌకర్యానికి దారితీస్తుంది. ప్రదర్శనకు ఓ పదిహేను నిమిషాల ముందు చిన్నపాటి స్ట్రెచింగ్‌ చేయడం వల్ల శరీరానికీ, మనసుకూ ఉపశమనంగా ఉంటుంది.

 

‣ వేదిక అంటే భయం ఉన్నవారికి కార్యక్రమం మొదలవుతుందనగా చాలా ఒత్తిడిగా అనిపిస్తుంది. అలాంటప్పుడు దీర్ఘశ్వాస తీసుకోవడం మంచిది.  

 

‣ ప్రసంగాల్లో ఏ విషయం గురించి చెప్పాలనుకుంటున్నామో,  సన్నద్ధమయ్యామో... దాన్ని బట్టీకొట్టినట్టు అప్పజెప్పకుండా సొంత మాటల్లో చెప్పేందుకు ప్రయత్నించాలి. శ్రోతలతో మాట్లాడుతున్నట్టే ప్రసంగం ఉండటం వల్ల ఎలాంటి తత్తరపాటు లేకుండా ప్రశాంతంగా మాట్లాడగలుగుతాం.

 

‣ కెఫీన్, షుగర్‌ తీసుకోవడం బాగా తగ్గించాలి. లేదంటే వీటి వల్ల యాంగ్జైటీ పెరిగే అవకాశం ఉంటుంది. 

 

‣ ‘ఆడియన్స్‌ నాకంటే తెలివైనవారు, ఈ పని నాకంతగా రాదు, నేనెప్పుడూ మంచి ప్రదర్శన కనబరచలేదు...’ ఇలాంటి ఆలోచనలు అస్సలు రానివ్వకూడదు. ‘ఇది నేను కచ్చితంగా చేయగలను’ అనే దృఢచిత్తంతో సిద్ధం కావాలి. 

 

‣ ఏవైనా చిన్నచిన్న పొరపాట్లు జరిగితే అది శ్రోతలకు చెప్పడం,  క్షమాపణలు అడగడం వంటివి చేయకూడదు. దానివల్ల వారి ఫోకస్‌ దెబ్బతింటుంది. చెప్పే విషయంపైకంటే తప్పులపై శ్రద్ధపెట్టే ప్రమాదం ఉంది.
 

********************************************************

మరింత సమాచారం ... మీ కోసం!

‣ మరిచిపోతున్నారా... మంచిదే!

‣ ఐఐటీ సహా ప్రసిద్ధ సంస్థల్లో డిగ్రీ

‣ డీఆర్డీవోలో ఉద్యోగాలు

‣ ఏ ఉద్యోగ పరీక్షకు సిద్ధం కావాలి?

‣ ఏపీఈఏపీ సెట్‌ ప్రవేశాల్లో మార్పులు

‣ కనుమరుగవుతున్న లంకలు

‣ శాస్త్రసాంకేతిక అగ్రశక్తిగా చైనా

Posted Date : 07-09-2022 .

గమనిక : ప్రతిభ.ఈనాడు.నెట్లో వచ్చే ప్రకటనలు అనేక దేశాల నుండి, వ్యాపారస్తులు లేదా వ్యక్తుల నుండి వివిధ పద్ధతులలో సేకరించబడతాయి. ఆయా ప్రకటనకర్తల ఉత్పత్తులు లేదా సేవల గురించి ఈనాడు యాజమాన్యానికీ, ఉద్యోగస్తులకూ ఎటువంటి అవగాహనా ఉండదు. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి తగిన విచారణ చేసి, తగిన జాగ్రత్తలు తీసుకొని కొనుగోలు చేయాలి. ఉత్పత్తులు / సేవలపై ఈనాడు యాజమాన్యానికి ఎటువంటి నియంత్రణ ఉండదు. కనుక ఉత్పత్తులు లేదా సేవల నాణ్యత లేదా లోపాల విషయంలో ఈనాడు యాజమాన్యం ఎటువంటి బాధ్యత వహించదు. ఈ విషయంలో ఎటువంటి ఉత్తర ప్రత్యుత్తరాలకీ తావు లేదు. ఫిర్యాదులు తీసుకోబడవు.

 

లేటెస్ట్ నోటిఫికేష‌న్స్‌