ఈనాడు, హైదరాబాద్‌: తెలంగాణలో టీఎస్‌ఈఏపీసెట్‌-2024: 90 శాతానికి పైగా హాజరు.
జేఎన్‌టీయూహెచ్‌ ఆధ్వర్యంలో నిర్వహిస్తున్న టీఎస్‌ఈఏపీసెట్‌-2024 పరీక్షకు మొదటి రోజున 90 శాతానికి పైగా విద్యార్థులు హాజరయ్యారని తెలిసింది.
వ్యవసాయ, ఫార్మసీ (ఏపీ) విభాగం పరీక్షలు మంగళవారం జరిగాయి. ఉదయం 9 గంటల నుంచి 12 గంటల వరకు జరిగిన మొదటి సెషన్‌కు 90.41 శాతం మంది, మధ్యాహ్నం 3 గంటల నుంచి సాయంత్రం 6 గంటల వరకు జరిగిన రెండో సెషన్‌కు 91.24 శాతం మంది విద్యార్థులు హాజరయ్యారు.
మొత్తంగా, 33,500 మందికి గాను 30,288 మంది మొదటి సెషన్‌లో, 33,505 మందికి గాను 30,571 మంది రెండో సెషన్‌లో పరీక్ష రాశారు.
ఈ ఏడాది, పరీక్ష కేంద్రాల్లో ఫేషియల్‌ రికగ్నిషన్‌ విధానాన్ని ప్రారంభించడం గమనార్హం.
పరీక్షల షెడ్యూల్:
* మే 7, 8 తేదీలు: అగ్రికల్చర్‌, ఫార్మా
* మే 9 నుంచి 11వ తేదీ వరకు: ఇంజినీరింగ్‌
టీఎస్‌ఎడ్‌సెట్‌ దరఖాస్తు గడువు పొడిగింపు:
రాష్ట్రంలోని విద్యాకళాశాలల్లో ప్రవేశాలకు నిర్వహించే టీఎస్‌ఎడ్‌సెట్‌-2024 దరఖాస్తు గడువును మే 10వ తేదీ వరకు పొడిగించారు. ఆలస్య రుసుముతో మే 13వ తేదీ వరకు దరఖాస్తు చేసుకోవచ్చు.
అభ్యర్థులు ఈ క్రింది వెబ్సైట్ ద్వారా ఆన్‌లైన్‌లో దరఖాస్తు చేసుకోవచ్చు: https://edcet.tsche.ac.in
మరింత సమాచారం కోసం:
* టీఎస్‌ఈఏపీసెట్‌ వెబ్సైట్: https://eapcet.tsche.ac.in/
* టీఎస్‌ఎడ్‌సెట్‌ వెబ్సైట్: https://edcet.tsche.ac.in/
Some more information
"From Campus to Millions: The Remarkable Journey of Yasir M."
‣ Read Latest jobs, Latest notifications and Latest govt jobs
‣ Follow us on Facebook, Twitter, Koo, Share chat, Google News Subscribe our Youtube Channel.
