ఈనాడు, హైదరాబాద్‌: దివ్యాంగుల సంక్షేమ శాఖ ఆధ్వర్యంలోని ప్రభుత్వ బధిరుల ఆశ్రమ పాఠశాల(మలక్‌పేట, హైదరాబాద్‌)లో 1 నుంచి 5 వరకు ఇంగ్లిష్‌, 1-10 వరకు తెలుగు మాధ్యమాల్లో ప్రవేశాలు నిర్వహిస్తున్నట్లు పాఠశాల ప్రిన్సిపల్‌ ఎ.అరుణ తెలిపారు. అర్హులైన అభ్యర్థులు ఉదయం 11 నుంచి సాయంత్రం 4 గంటల వరకు పాఠశాలలో దరఖాస్తులు పొందాలని పేర్కొన్నారు. విద్యార్థులకు వృత్తివిద్య, కంప్యూటర్‌ శిక్షణతో పాటు వసతి సౌకర్యం ఉంటుందన్నారు. వివరాలకు 9000597107, 7674933347 ఫోన్‌ నంబర్లలో సంప్రదించాలని కోరారు.
 

ట్రాన్స్‌జెండర్లకు నైపుణ్యశిక్షణ కోర్సులు
ట్రాన్స్‌జెండర్ల జీవనోపాధికి స్మైల్‌ పథకం కింద ఉపకారవేతనాలు, నైపుణ్య శిక్షణ కోర్సులు అందించనున్నట్లు దివ్యాంగుల సంక్షేమశాఖ డైరెక్టర్‌ శైలజ తెలిపారు. అర్హులైన ట్రాన్స్‌జెండర్లు ద్రువీకరణ పత్రాలతో జాతీయ పోర్టల్‌లో transgender.dosje.gov.in దరఖాస్తు చేసుకోవాలని పేర్కొన్నారు.