కాళోజీ ఆరోగ్య వర్సిటీ ఉత్తర్వులు

ఈనాడు, హైదరాబాద్‌: మెడిసిన్‌లో సీటు పొందిన విద్యార్థులు తొలి ఏడాది వైద్యవిద్య సబ్జెక్టుల్లో ఉత్తీర్ణత సాధిస్తేనే రెండో ఏడాదిలోకి అడుగుపెట్టడానికి అవకాశం ఉంటుంది. అయితే తొలి ఏడాదిలో చేరిన నాలుగేళ్లలోపు గనుక ఆ సబ్జెక్టులను పూర్తి చేయలేకపోతే.. ఇక ఇంటికేనని కాళోజీ ఆరోగ్య విశ్వవిద్యాలయం స్పష్టం చేసింది.  నాలుగు సార్లు పరీక్షలు రాసినా ఉత్తీర్ణత సాధించకపోతే.. ఆ తర్వాత మళ్లీ పరీక్షలు రాయడానికి అర్హత కోల్పోతారని పేర్కొంది. జాతీయ వైద్య కమిషన్‌(ఎన్‌ఎంసీ) 2019లో ఇచ్చిన జీవోను ఉటంకిస్తూ కాళోజీ వర్సిటీ రాష్ట్రంలోని అన్ని ప్రభుత్వ, ప్రైవేటు వైద్య కళాశాలల ప్రధానాచార్యులకు ఉత్తర్వులు జారీ చేసింది. 2019-20 బ్యాచ్‌ వైద్య విద్యార్థుల నుంచి ఈ నిబంధన అమలులోకి వస్తుందని పేర్కొంది. తొలి ఏడాది వైద్యవిద్యను నాలుగేళ్లలోపు పూర్తి చేసినా.. మొత్తం నాలుగున్నరేళ్ల వైద్యవిద్యను ఎట్టి పరిస్థితుల్లోనూ 10 ఏళ్లలోపు పూర్తి చేయాల్సిందేనని తెలిపింది. ఇప్పటి వరకు తొమ్మిదేళ్లలో వైద్యవిద్యను పూర్తి చేయాలనే నిబంధన ఉండగా.. దాన్ని మరో ఏడాదికి పెంచుతూ నిబంధనలను సవరించారు.

మరింత సమాచారం ... మీ కోసం!

‣ పది పాసైతే ప్రభుత్వ ఉద్యోగాలు

‣ మెయిన్‌లో మెరిసేందుకు మ‌రో అవ‌కాశం!

‣ ప్రావీణ్యం పెంచే వృత్తి విద్య

‣ అర్థం చేసుకుంటూ చ‌దివితే..!

‣ దేశ రాజ‌ధానిలో కానిస్టేబుల్ ఉద్యోగాలు

‣ విశ్వాసం ఉంటే విలువ త‌గ్గ‌దు!

‣ కొలువుల‌కు కొర‌త లేదు

‣ కాలేజీలో చేరేముందు కాస్త ప‌రిశీలించండి!