ఈనాడు,హైదరాబాద్: జేఎన్‌టీయూ నుంచి అనుబంధ కళాశాలలుగా గుర్తింపు పొందిన ప్రైవేట్‌ ఇంజినీరింగ్, ఫార్మసీ కళాశాలల్లో విద్యార్థులకు తగ్గట్టు ఆచార్యులున్నారా? సదుపాయాలు ఉన్నాయా? న్యాక్‌ గుర్తింపు ఉందానే అంశాలపై జేఎన్‌టీయూ నియమించిన నిజనిర్ధారణ కమిటీ సభ్యులు తనిఖీలు పూర్తి చేశారు. ఇంజినీరింగ్, ఫార్మసీ కళాశాలలు మొత్తం 270 ఉండగా, ఒకటీరెండూ మినహా అన్నింటిలో తనిఖీలు పూర్తి చేసిన కమిటీ సభ్యులు వర్సిటీ అధికారులకు నివేదిక ఇచ్చారు. త్వరలోనే ఆయా కళాశాలలు విశ్వవిద్యాలయానికి పంపిన వివరాలు, నిజ నిర్ధారణ కమిటీ ఇచ్చిన నివేదికను పోల్చనున్నారు. తప్పులుంటే సవరించుకోవాలని గడువు ఇస్తారు. గడువులోపు సరిదిద్దుకోకపోతే అనుబంధ కళాశాల గుర్తింపు రద్దు చేస్తామని జేఎన్‌టీయూ అధికారులు తెలిపారు.
మూడంచెల్లో..
హైదరాబాద్, రంగారెడ్డి, మేడ్చల్, వికారాబాద్‌ జిల్లాలో జేఎన్‌టీయూ అనుబంధ కళాశాలలు 90 శాతం ఉన్నాయి. నిజనిర్ధారణ కమిటీ సభ్యులు మూడంచెల్లో వివరాలను సేకరిస్తున్నారు. గుర్తింపు కోసం దరఖాస్తు చేసుకున్నప్పటి నుంచి ఇప్పటి వరకూ కళాశాలలో మార్పులు, విద్యార్థుల సంఖ్య పెరిగిందా? తగ్గిందా? ప్రతి సబ్జెక్టును బోధించేందుకు ఆచార్యులు, సహ ఆచార్యులు, సహాయ ఆచార్యులున్నారా? అనే అంశాలను క్షుణ్ణంగా పరిశీలిస్తున్నారు. ఆచార్యులు సక్రమంగా వస్తున్నారా? లైబ్రరీలున్నాయా అని చూస్తున్నారు. గతంలో కొన్ని కళాశాలలు నకిలీ పట్టాలున్న అసిస్టెంట్‌ ప్రొఫెసర్లు.. బయోమెట్రిక్‌లో అక్రమాల నేపథ్యంలో నిజనిర్ధారణ కమిటీ సభ్యుల నివేదికలు కళాశాలల గుర్తింపు రద్దుకు కీలకం కానున్నాయి.
మరింత సమాచారం... మీ కోసం!
‣ కరణాలు పోయి.. కార్యదర్శులు వచ్చి!
‣ డిగ్రీ, పీజీతో సిపెట్‌లో ఉద్యోగాలు
‣ Read Latest jobs, Latest notifications and Latest govt jobs
‣ Follow us on Facebook, Twitter, Koo, Share chat, Google News Subscribe our Youtube Channel.
