* 26 నుంచి ఆన్‌లైన్‌ దరఖాస్తులు
ఈనాడు, హైదరాబాద్‌: తెలంగాణ రాష్ట్రంలో ఇంజినీరింగ్‌, వ్యవసాయం(అగ్రికల్చర్‌), ఫార్మసీ కోర్సుల్లో ప్రవేశాలకు నిర్వహించే ఈఏపీసెట్‌, పీజీఈసెట్‌ షెడ్యూళ్లను ఫిబ్రవరి 6న విడుదల చేశారు. తెలంగాణ ఉన్నత విద్యామండలిలో జరిగిన షెడ్యూళ్ల విడుదల కార్యక్రమంలో ఉన్నత విద్యామండలి ఛైర్మన్‌ లింబాద్రి, జేఎన్‌టీయూహెచ్‌ వీసీ కట్టా నర్సింహారెడ్డి, సెట్‌ కమిటీ ఛైర్మన్‌ ఎస్‌కే మహమూద్‌, ఈఏపీసెట్‌ కన్వీనర్‌ డీన్‌కుమార్‌తో పాటు శ్రీరాంవెంకటేశ్‌, విజయ్‌కుమార్‌రెడ్డి తదితరులు పాల్గొన్నారు. ఈ సందర్భంగా ఈఏపీసెట్‌ కన్వీనర్‌ డీన్‌కుమార్‌ మాట్లాడుతూ..ఫిబ్రవరి 21న ఈఏపీసెట్‌ నోటిఫికేషన్‌ వెలువడుతుందని, 26 నుంచి ఆన్‌లైన్‌ దరఖాస్తులు స్వీకరించనున్నట్లు ప్రకటించారు. ఏప్రిల్‌ 6వ తేదీ వరకు విద్యార్థులు ఆన్‌లైన్‌లో దరఖాస్తు చేసుకోవచ్చని, మే 9వ తేదీ నుంచి 12 వరకు పరీక్షలు నిర్వహించనున్నట్లు తెలిపారు. ఇటీవల ఎంసెట్‌ పేరును ఈఏపీసెట్‌గా మార్చిన సంగతి తెలిసిందే. ఇంటర్‌ అర్హతతో ఇంజినీరింగ్‌, అగ్రికల్చర్‌, ఫార్మసీ సీట్ల భర్తీకి ఈ పరీక్ష నిర్వహిస్తారు. అదే విధంగా పీజీఈసెట్‌కు సంబంధించిన షెడ్యూల్‌ను సైతం మంగళవారం ఉన్నత విద్యామండలి ఛైర్మన్‌ లింబాద్రి విడుదల చేశారు. మార్చి 12న పీజీఈసెట్‌ నోటిఫికేషన్‌ విడుదల, మార్చి 16 నుంచి మే 10వ తేదీ వరకు ఆన్‌లైన్‌లో దరఖాస్తు, జూన్‌ 6వ తేదీ నుంచి 9 వరకు పీజీఈసెట్‌ పరీక్షలు నిర్వహించనున్నట్లు కన్వీనర్‌ అరుణకుమారి తెలిపారు. ఈ ఏడాది ఈఏపీసెట్‌, పీజీఈసెట్‌లను జేఎన్‌టీయూ నిర్వహిస్తోంది.
తెలంగాణ ఈఏపీసెట్‌ స్టడీమెటీరియల్
| భౌతికశాస్త్రం |
| గణితశాస్త్రం |
| రసాయన శాస్త్రం |
| వృక్షశాస్త్రం |
| జంతుశాస్త్రం |
♦ నమూనా ప్రశ్నపత్రాలు
మరింత సమాచారం... మీ కోసం!
‣ ఐటీ రంగంలో అవరోధాలు అధిగమిద్దాం!
‣ ఎంఫిల్‌.. పీహెచ్‌డీ- ఏమిటి తేడా?
‣ ఉపాధికి దిక్సూచి.. బిజినెస్‌ అనలిటిక్స్‌
‣ విదేశీ విద్య.. అవగాహన ముఖ్యం!
‣ Read Latest jobs, Latest notifications and Latest govt jobs
‣ Follow us on Facebook, Twitter, Koo, Share chat, Google News Subscribe our Youtube Channel.
