‣ ఫిబ్రవరి 26 దరఖాస్తుకు గడువు
చెన్నై పెట్రోలియం కార్పొరేషన్ లిమిటెడ్ (సీపీసీఎల్) 73 నాన్ ఎగ్జిక్యూటివ్ పోస్టుల భర్తీకి దరఖాస్తులు కోరుతోంది. ఆన్లైన్ టెస్ట్, స్కిల్/ ప్రొఫిషియన్సీ/ ఫిజికల్ టెస్ట్, ధ్రువపత్రాల పరిశీలన ఆధారంగా అభ్యర్థులను ఎంపిక చేస్తారు. ఆన్లైన్లో దరఖాస్తు చేసుకోవాలి.
మొత్తం 73 పోస్టుల్లో అన్రిజర్వుడ్-33, ఎస్సీ-17, ఎస్టీ-01, ఓబీసీ-15, ఈడబ్ల్యూఎస్-7 కేటాయించారు. ఈ పోస్టులకు పురుష అభ్యర్థులు మాత్రమే దరఖాస్తు చేయాలి.
1. జూనియర్ ఇంజినీరింగ్ అసిస్టెంట్-4 (ప్రొడక్షన్): 60 శాతం మార్కులతో కెమికల్/ పెట్రోలియం/ పెట్రోకెమికల్ ఇంజినీరింగ్ డిప్లొమా/ బీఎస్సీ (కెమిస్ట్రీ). ఎస్సీ/ ఎస్టీ అభ్యర్థులకు 55 శాతం మార్కులు సరిపోతాయి.
2. జూనియర్ క్వాలిటీ కంట్రోల్ అనలిస్ట్-4 ట్రైనీ: 60 శాతం మార్కులతో కెమిస్ట్రీ ప్రధాన సబ్జెక్టుగా బీఎస్సీ.
3. జూనియర్ ఇంజినీరింగ్ అసిస్టెంట్-4 (మెకానికల్): మూడేళ్ల మెకానికల్ ఇంజినీరింగ్ డిప్లొమా. జనరల్, ఓబీసీ, ఈడబ్ల్యూఎస్ అభ్యర్థులు 60 శాతం మార్కులతో, ఎస్సీ/ పీడబ్ల్యూబీడీ అభ్యర్థులు 55 శాతం మార్కులతో పాసవ్వాలి.
4. జూనియర్ ఇంజినీరింగ్ అసిసెంట్-4 (ఎలక్ట్రికల్): 60 శాతం మార్కులతో మూడేళ్ల ఎలక్ట్రికల్/ ఎలక్ట్రికల్ అండ్ ఎలక్ట్రానిక్స్ ఇంజినీరింగ్ డిప్లొమా.
5. జూనియర్ ఇంజినీరింగ్ అసిస్టెంట్-4 (ఇన్స్ట్రుమెంటేషన్): మూడేళ్ల ఇన్స్ట్రుమెంటేషన్/ ఇన్స్ట్రుమెంటేషన్ అండ్ ఎలక్ట్రానిక్స్/ ఇన్స్ట్రుమెంటేషన్ అండ్ కంట్రోల్/ ఎలక్ట్రానిక్స్ అండ్ కమ్యూనికేషన్ డిప్లొమా 60 శాతం మార్కులతో, ఎస్సీ అభ్యర్థులు 55 శాతం మార్కులతో పాసవ్వాలి. ఈ పోస్టులు అన్నింటిలోనూ ట్రైనీ, కేటగిరీ-1, కేటగిరీ-2 అనే మూడు రకాల కేటగిరీలు ఉన్నాయి. ట్రైనీ పోస్టుకు ఉద్యోగానుభవం అవసరం లేదు. కేటగిరీ-1కు ఏడాది, కేటగిరీ-2కు మూడేళ్ల పని అనుభవం ఉండాలి.
6. జూనియర్ ఇంజినీరింగ్ అసిస్టెంట్-4 (పిఅండ్యు-మెకానికల్): 60 శాతం మార్కులతో మూడేళ్ల మెకానికల్ ఇంజినీరింగ్ డిప్లొమా.
7. జూనియర్ ఇంజినీరింగ్ అసిస్టెంట్-4 (పి అండ్ యు-ఎలక్ట్రికల్): 60 శాతం మార్కులతో మూడేళ్ల ఎలక్ట్రికల్ ఇంజినీరింగ్ డిప్లొమా.
8. జూనియర్ టెక్నికల్ అసిస్టెంట్-4 (ఫైర్ అండ్ సేఫ్టీ): మెట్రిక్, ఎన్ఎఫ్ఎస్సీ-నాగ్పుర్ నుంచి సబ్-ఆఫీసర్స్ కోర్సు పూర్తిచేయాలి. హెవీ వెహికల్ డ్రైవింగ్ లైసెన్స్ ఉండాలి. దీంట్లో ట్రైనీ పోస్టులకు అనుభవం అవసరం లేదు. కేటగిరీ-1 పోస్టుకు ఏడాది అనుభవం ఉండాలి.
గరిష్ఠ వయసు: 01.02.2024 నాటికి జూనియర్ ఇంజినీరింగ్ అసిస్టెంట్ పోస్టులకు 30 సంవత్సరాలు మించకూడదు. మిగిలిన పోస్టులకు 26 సంవత్సరాలు మించకూడదు. గరిష్ఠ వయసులో ఎస్సీ/ఎస్టీలకు 5 ఏళ్లు, ఓబీసీ, ఎక్స్-సర్వీస్మెన్లకు 3 ఏళ్లు. పీడబ్ల్యూబీడీ అభ్యర్థులకు 10-15 ఏళ్ల సడలింపు ఉంటుంది.
దరఖాస్తు ఫీజు: రూ.500 ఆన్లైన్లో చెల్లించాలి. ఎస్సీ/ ఎస్టీ/ పీడబ్ల్యూబీడీ/ ఎక్స్-సర్వీస్మెన్ అభ్యర్థులకు ఫీజు లేదు.
ఎంపిక: ఆన్లైన్ టెస్ట్, స్కిల్/ ప్రొఫిషియన్సీ/ ఫిజికల్ టెస్ట్, ధ్రువపత్రాల పరిశీలన ఆధారంగా అభ్యర్థులను ఎంపిక చేస్తారు.
‣ ఆన్లైన్ పరీక్ష 120 మార్కులకు.. రెండు భాగాలు. పార్ట్-1లో జనరల్ ఆప్టిట్యూడ్ (వెర్బల్ ఎబిలిటీ, జీకే, రీజనింగ్/ లాజికల్ డిడక్షన్స్ అండ్ న్యూమరికల్ ఎబిలిటీ)కు చెందిన 50 ప్రశ్నలు ఉంటాయి. పార్ట్-2లో సబ్జెక్టు నాలెడ్జ్కు సంబంధించిన 70 ప్రశ్నలు అడుగుతారు. ప్రశ్నలన్నీ మల్టిపుల్ ఛాయిస్ విధానంలో ఉంటాయి. వ్యవధి 2 గంటలు. పరీక్షను చెన్నైలోనే నిర్వహిస్తారు.
‣ ప్రతీ తప్పు సమాధానానికీ పావు మార్కు తగ్గిస్తారు.
‣ రాత పరీక్షలో కనీసార్హత మార్కులు సాధించిన అభ్యర్థులను 1:2 నిష్పత్తిలో స్కిల్/ ప్రొఫిషియన్సీ/ ఫిజికల్ టెస్ట్కు ఎంపిక చేస్తారు.
‣ ఆన్లైన్ టెస్ట్ నిర్వహణకు సంబంధించిన తాజా సమాచారం కోసం అభ్యర్థులు తరచూ వెబ్సైట్ను సందర్శించాలి.
‣ ఫైర్ అండ్ సేఫ్టీ పోస్టులకు: రాత పరీక్షలో ప్రతిభ చూపిన అభ్యర్థులకు ఫిజికల్, ఎండ్యూరెన్స్ పరీక్షలను నిర్వహిస్తారు.
ఎ) ఫిజికల్ టెస్ట్: ఎత్తు 165 సెం.మీ., బరువు 50 కేజీలు, చాతీ 81-86.5 సెం.మీ. ఉండాలి.
బి) ఎండ్యూరెన్స్ టెస్ట్:
1. 1.6 కి.మీ. దూరాన్ని 6 నిమిషాల్లో పరుగెత్తాలి.
2. 30 కేజీల డమ్మీలోడ్తో 100 మీటర్ల దూరాన్ని 30 సెకన్లలో పరుగెత్తాలి.
3. 4 మీటర్ల తాడుపైకి పాదాలు, చేతులు ఉపయోగిస్తూ ఎక్కాలి.
సి) ఎటువంటి అనారోగ్య, దృష్టి, వినికిడి సమస్యలూ ఉండకూడదు.
గమనించాల్సినవి..
ఒకరు ఒక పోస్టుకు మాత్రమే దరఖాస్తు చేయాలి. ఎక్కువ పోస్టులకు దరఖాస్తు చేస్తే ఫీజును తిరిగి చెల్లించరు.
‣ రాత పరీక్ష, స్కిల్ టెస్టుకు హాజరయ్యే ఎస్సీ, ఎస్టీ అభ్యర్థులకు రెండో తరగతి ప్రయాణ ఛార్జీలను చెల్లిస్తారు.
‣ ప్రభుత్వ/ ప్రభుత్వ రంగ సంస్థల్లో పనిచేసే అభ్యర్థులు ‘నో అబ్జెక్షన్ సర్టిఫికెట్’ను ధ్రువపత్రాల పరిశీలన సమయంలో సమర్పించాలి.
దరఖాస్తుకు చివరి తేదీ: 26.02.2024
ఆన్లైన్ పరీక్ష తేదీ: 10.03.2024
వెబ్సైట్: https://cpcl.co.in/
-----------------------------------------------------------------------------------------------------------
మరింత సమాచారం... మీ కోసం!
‣ ఈ నైపుణ్యాలే ఫ్రెషర్లకు ధీమా!
‣ జ్ఞాపకశక్తిని మెరుగుపరుచుకుందాం ఇలా..
‣ ట్రెండింగ్ విద్యావిధానం.. టెక్నాలజీ ఎన్హాన్స్డ్ లెర్నింగ్!
‣ స్కామర్లతో తస్మాత్ జాగ్రత్త!
‣ ఆరు మెట్లతో ఆఫర్ లెటర్ అందుకోండిలా!