• facebook
  • whatsapp
  • telegram

Videshi Vidyaa Deeven: కోర్సు ఆపేస్తే సొమ్ము తిరిగి కట్టాల్సిందే!

* రూ.100 స్టాంప్‌ పేపర్‌పై విద్యార్థి రాసి ఇవ్వాలి

* వార్షిక ఆదాయ నిర్ధారణకు కలెక్టర్‌ ధ్రువీకరణ

* విదేశీ విద్యాదీవెన పథకం మార్గదర్శకాల విడుదల

ఈనాడు డిజిటల్‌, అమరావతి: విదేశాల్లో ఉన్నత విద్య అభ్యసించేందుకు ఆర్థిక సాయానికి ఉద్దేశించిన జగనన్న విదేశీ విద్యాదీవెన పథకం అమలుకు ఆంధ్ర‌ప్ర‌దేశ్‌ రాష్ట్ర ప్రభుత్వం మార్గదర్శకాలు విడుదల చేసింది. ఆర్థిక సాయాన్ని పొందిన విద్యార్థులు.. ఏదైనా కారణంతో కోర్సును మధ్యలో ఆపేస్తే రాష్ట్ర ప్రభుత్వం ఇచ్చిన సొమ్ము మొత్తం తిరిగి కట్టాల్సిందేనని స్పష్టం చేసింది. దీనికి కట్టుబడి ఉంటానని సదరు విద్యార్థి రూ.100 స్టాంపు పేపరు మీద రాసి ఇవ్వాలి. వార్షిక ఆదాయం రూ.8 లక్షల లోపు ఉన్న వారికే పథకం వర్తిస్తుంది. స్థానిక సచివాలయంలో తీసుకున్న ఆదాయ పత్రాన్ని కలెక్టరు ధ్రువీకరించాల్సి ఉంటుంది. కుటుంబ సభ్యులు ఎవరైనా కేంద్ర, రాష్ట్ర ప్రభుత్వాలు అమలు చేసే ఇలాంటి పథకాల్లో ఇప్పటికే లబ్ధి పొందలేదని ధ్రువీకరణ ఇవ్వాలి. ఇప్పటికే విదేశాల్లో చదువుకుంటున్న వారికి ఈ పథకం వర్తించదు. ఎస్సీ, ఎస్టీ, బీసీ, మైనారిటీ, ఈబీసీ, కాపు సామాజిక వర్గాలకు చెందిన విద్యార్థులు విదేశాల్లో పీజీ, పీహెచ్‌డీ, ఎంబీబీఎస్‌ కోర్సులు అభ్యసించేందుకు ఈ పథకాన్ని అమల్లోకి తీసుకువస్తోంది. 100లోపు ర్యాంకు ఉన్న విశ్వవిద్యాలయాల్లో సీటు సంపాదిస్తే 100% ఫీజును, 100 నుంచి 200 వరకు ర్యాంకు ఉన్న విశ్వవిద్యాలయాల్లో సీటు వస్తే రూ.50 లక్షలు/50 శాతం ఫీజును ప్రభుత్వం చెల్లిస్తుంది.

200 ర్యాంకుల్లో ఉన్నవాటికే..  

క్యూఎస్‌ ప్రపంచ విశ్వవిద్యాలయ ర్యాంకింగ్స్‌ ప్రకారం మొదటి 200 ర్యాంకుల్లో నిలిచిన విశ్వవిద్యాలయాల్లో ర్యాంకు సాధించిన వారికే ప్రభుత్వం ఈ పథకాన్ని వర్తింప చేయనుంది. 100 నుంచి 200 ర్యాంకు ఉన్న విశ్వవిద్యాలయాల్లో సీటు సంపాదిస్తే రూ.50 లక్షలు/50% ఫీజును చెల్లించనుంది. మొదటి 200 ర్యాంకుల్లో 32 దేశాలకు చెందిన విశ్వవిద్యాలయాలు ఉన్నాయి.

కేంద్రం 500 ర్యాంకుల వరకు అనుమతి..

కేంద్ర ప్రభుత్వం జాతీయ ఓవర్సీస్‌ స్కాలర్‌షిప్‌ పథకం కింద ఎస్సీ విద్యార్థులకు 500 వరకు ర్యాంకులు పొందిన విశ్వవిద్యాలయాల్లో అవకాశం కల్పిస్తోంది. కానీ రాష్ట్ర ప్రభుత్వం మాత్రం 200 ర్యాంకుల్లోని విశ్వవిద్యాలయాల వరకే పరిమితం చేసింది.

 

మరింత సమాచారం ... మీ కోసం!

‣ వ్యవసాయ కోర్సులకు జాతీయ పరీక్ష

‣ బ్యాంకు ఉద్యోగం... సాధించే వ్యూహం!

‣ విజయం.. ఇలా సాధ్యం!

‣ దేశ రాజధానిలో టీచింగ్‌ ఉద్యోగాలు

Read Latest jobs, Latest notifications and Latest govt jobs 

Follow us on Facebook, Twitter, Koo, Share chatGoogle News Subscribe our Youtube Channel.

Posted Date : 05-08-2022

గమనిక : ప్రతిభ.ఈనాడు.నెట్లో వచ్చే ప్రకటనలు అనేక దేశాల నుండి, వ్యాపారస్తులు లేదా వ్యక్తుల నుండి వివిధ పద్ధతులలో సేకరించబడతాయి. ఆయా ప్రకటనకర్తల ఉత్పత్తులు లేదా సేవల గురించి ఈనాడు యాజమాన్యానికీ, ఉద్యోగస్తులకూ ఎటువంటి అవగాహనా ఉండదు. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి తగిన విచారణ చేసి, తగిన జాగ్రత్తలు తీసుకొని కొనుగోలు చేయాలి. ఉత్పత్తులు / సేవలపై ఈనాడు యాజమాన్యానికి ఎటువంటి నియంత్రణ ఉండదు. కనుక ఉత్పత్తులు లేదా సేవల నాణ్యత లేదా లోపాల విషయంలో ఈనాడు యాజమాన్యం ఎటువంటి బాధ్యత వహించదు. ఈ విషయంలో ఎటువంటి ఉత్తర ప్రత్యుత్తరాలకీ తావు లేదు. ఫిర్యాదులు తీసుకోబడవు.