• facebook
  • whatsapp
  • telegram

PhD Fee: 10 శాతం అపరాధ రుసుము  

* గడువులోపు పీహెచ్‌డీ ఫీజు కట్టనివారిపై జేఎన్‌టీయూ నిర్ణయం


ఈనాడు, హైదరాబాద్‌: నిర్దేశిత గడువులోపు పీహెచ్‌డీ ఫీజు చెల్లించని విద్యార్థులకు అపరాధ రుసుము విధించాలని జేఎన్‌టీయూ నిర్ణయించింది. పరిశోధక విద్యార్థులు ఏటా ఫీజులు చెల్లించకపోతే అదనపు భారం పడనుంది. పార్ట్‌టైం, ఫుల్‌ టైం విభాగాల్లో పీహెచ్‌డీ ప్రవేశాలు తీసుకున్న విద్యార్థులకు ఏటా విద్యా సంవత్సరం ప్రారంభంలో ఫీజు కట్టేందుకు గడువు ఇస్తారు. మూడు నెలల పాటు ఫీజు చెల్లించేందుకు అవకాశం ఉంటుంది. ఒక వేళ నిర్దేశిత గడువులోగా చెల్లించకపోతే 10 శాతం పెనాల్టీ విధించనున్నారు. ఈ విషయంపై అకాడమిక్‌ స్టాండింగ్‌ కౌన్సిల్, పాలకమండలిలో ఆమోదం లభించడంతో ఈ విద్యా సంవత్సరం నుంచే వసూలుకు నిర్ణయించినట్లు తెలిసింది.


పీహెచ్‌డీ సమర్పణ గడువు పెంపు
పీహెచ్‌డీ సిద్ధాంతం సమర్పణ గడువును వచ్చే డిసెంబరు 31 వరకు పొడిగించాలని జేఎన్‌టీయూ నిర్ణయించింది. పదేళ్లకు మించి కొనసాగుతున్న విద్యార్థులు పీహెచ్‌డీ కోర్సు పూర్తి చేసుకొనేందుకు తొలుత జులై 4 వరకు అవకాశం కల్పించారు. కొందరు విద్యార్థులు ప్లాగరిజం పరిశీలన దశకు చేరుకున్నారు.
 

Read Latest jobs, Latest notifications and Latest govt jobs 

Follow us on Facebook, Twitter, Koo, Share chatGoogle News Subscribe our Youtube Channel.

Posted Date : 30-06-2022

గమనిక : ప్రతిభ.ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారులు, సంస్థల నుంచి వస్తాయి. మరి కొన్ని ప్రకటనలు పాఠకుల అభిరుచి మేరకు కృత్రిమ మేధస్సు సాంకేతికత సాయంతో ప్రదర్శితమవుతుంటాయి. ఆ ప్రకటనల్లోని ఉత్పత్తులను లేదా సేవలను పాఠకులు స్వయంగా విచారించుకొని, జాగ్రత్తగా పరిశీలించి కొనుక్కోవాలి లేదా వినియోగించుకోవాలి. వాటి నాణ్యత లేదా లోపాలతో ఈనాడు యాజమాన్యానికి ఎలాంటి సంబంధం లేదు. ఈ విషయంలో ఉత్తర ప్రత్యుత్తరాలకు, ఈ-మెయిల్స్ కి, ఇంకా ఇతర రూపాల్లో సమాచార మార్పిడికి తావు లేదు. ఫిర్యాదులు స్వీకరించడం కుదరదు. పాఠకులు గమనించి, సహకరించాలని మనవి.