Inter Exam Fee: ఇంటర్‌ పరీక్ష ఫీజు ఆన్‌లైన్‌లో చెల్లింపు!

* వచ్చే విద్యా సంవత్సరం నుంచి అమలుకు బోర్డు నిర్ణయం

ఈనాడు, హైదరాబాద్‌: విద్యార్థులు, కళాశాల యాజమాన్యాల సౌకర్యార్థం పలు ఆన్‌లైన్‌ సేవలను అందుబాటులోకి తెచ్చిన ఇంటర్‌బోర్డు మరో అడుగు ముందుకు వేసింది. పరీక్షల ఫీజులను సైతం విద్యార్థులు ఆన్‌లైన్‌ ద్వారా చెల్లించేలా కసరత్తు మొదలుపెట్టింది. ప్రస్తుతం కళాశాలలకు అనుబంధ గుర్తింపు, ఇతర అనుమతులను ఆన్‌లైన్‌ ద్వారానే బోర్డు మంజూరు చేస్తోంది. విద్యార్థులకు అవసరమైన మైగ్రేషన్‌, ఎలిజిబిలిటీ, ఈక్విలెన్స్‌, డూప్లికేట్‌ మార్కుల మెమో లాంటి 18 రకాల సేవలను ఆన్‌లైన్‌లో అందిస్తున్నారు. పరీక్షల ఫీజును మాత్రం విద్యార్థులు సొంతగా చెల్లించే వెసులుబాటు లేకపోవటంతో వాటిని ఆయా కళాశాలల ద్వారానే చెల్లించాల్సి వచ్చేది. ఫలితంగా పలు కళాశాలలు పరీక్షల ఫీజు పేరిట చెల్లించాల్సిన మొత్తానికి మూడు నాలుగు రెట్లు వసూలు చేస్తున్నాయన్న ఫిర్యాదులు తరచూ ఇంటర్‌బోర్డు దృష్టికి వస్తున్నాయి. దీన్ని నిరోధించేందుకు విద్యార్థులే స్వయంగా ఆన్‌లైన్‌లో ఫీజు చెల్లించే సౌకర్యాన్ని అందుబాటులోకి తీసుకురావాలని బోర్డు కొద్ది కాలం క్రితం నిర్ణయించింది. ఇందులో భాగంగా ఆయా బ్యాంకులు, సెంటర్‌ ఫర్‌ గుడ్‌ గవర్నెన్స్‌ ప్రతినిధులతో చర్చిస్తోంది. వచ్చే విద్యా సంవత్సరం (2024-25) నుంచి కొత్త సౌకర్యం అందుబాటులోకి రానుంది.

  టీఎస్‌పీఎస్సీజూనియ‌ర్ ఇంట‌ర్‌ స్టడీమెటీరియల్
 

  టీఎస్‌పీఎస్సీ సీనియ‌ర్ ఇంట‌ర్‌ స్టడీమెటీరియల్  
 

మరింత సమాచారం... మీ కోసం!

‣ ఫర్నిచర్‌ డిజైన్‌ కెరియర్‌ గైడెన్స్‌

‣ బాడీ లాంగ్వేజ్ ఎందుకు ముఖ్యం?

‣ ఇగ్నోలో నాన్‌ టీచింగ్‌ కొలువులు

‣ దిద్దుబాటుతో విజయం తథ్యం!