Post your question

 

Q: టీఎస్‌పీఎస్సీ గ్రూప్-1కి సంబంధించి ఉద్యోగస్తులు ఎన్‌ఓసీ తీసుకోవాలని సూచించారు. దీన్ని దరఖాస్తుకు ముందు సబ్మిట్ చేయాలా లేదా ప్రిలిమ్స్ పూర్తయ్యాక సమర్పించాలా? ఉపాధ్యాయ వృత్తిలో ఉన్నవారు ఎవరి నుంచి ఎన్‌ఓసీ తీసుకోవాలి?

    Asked By: సుభద్ర

    Ans:

    ఉద్యోగస్తులు గ్రూప్‌-1 దరఖాస్తుకు ముందు ఒకసారి మీ పై అధికారికి సూచిస్తే సరిపోతుంది. వెరిఫికేషన్‌ సమయంలో ఆయన సంతకం చేసిన ఎన్‌ఓసీని సమర్పించాలి.

Q: ఒకటి నుంచి నాలుగో తరగతి వరకు కామారెడ్డి జిల్లాలో; మళ్లీ నాలుగో తరగతి నుంచి ఏడో తరగతి వరకు హైదరాబాద్‌లో చదివాను. నాలుగో తరగతి రెండు సార్లు చదివినట్లయింది. నేను ఏ జిల్లా స్థానికత కిందకు వస్తాను?

    Asked By: శ్రవణ్

    Ans:

    మీరు హైదరాబాద్‌ జిల్లా స్థానికత కిందకు వస్తారు.

Q: నేను తెలంగాణవాసిని. కానీ, ఆంధ్రప్రదేశ్‌లోని ఆచార్య నాగార్జున విశ్వవిద్యాలయం నుంచి దూరవిద్యలో బీకాం సీఏ డిగ్రీ పూర్తి చేశాను. టీఎస్‌పీఎస్సీ పోటీ పరీక్షలకు అర్హత ఉంటుందా? ఈ డిస్టెన్స్ డిగ్రీ సర్టిఫికెట్‌ను తెలంగాణలో పరిగణిస్తారా?

    Asked By: సాగర్

    Ans:

    దూరవిద్యలో డిగ్రీని ఎక్కడి నుంచైనా చేయవచ్చు. ఓటీఆర్‌లో తహసీల్దారు సంతకం చేసిన నివాస ధ్రువీకరణ పత్రాన్ని సమర్పిస్తే సరిపోతుంది. మీరు నిస్సందేహంగా టీఎస్‌పీఎస్సీ పోటీ పరీక్షలకు దరఖాస్తు చేసుకోవచ్చు.

Q: టీఎస్‌పీఎస్సీ పోలీసు ఉద్యోగానికి దరఖాస్తు సమర్పించేటప్పుడు నా ఫొటో అప్‌లోడ్ చేశాను. కానీ, సంతకం పెట్టడం మర్చిపోయాను. ఇప్పుడా దరఖాస్తు చెల్లుబాటు అవుతుందా?

    Asked By: వెంకటసాయి

    Ans:

    ఓటీఆర్‌ను ఎడిట్‌ చేసుకుని మరొకసారి సంతకం చేసిన ఫొటోని అప్‌లోడ్‌ చేయండి. 

Q: నేను రెండో తరగతి వరకు సూర్యాపేటలో, మూడో తరగతి నకిరేకల్‌లో, నాలుగు, అయిదు తరగతులు మీర్‌పేట్‌లో, ఆరు నుంచి పదో తరగతి ఉప్పల్‌లో చదివాను. నేను ఏ ప్రాంతంలో స్థానికతను పొందుతాను?

    Asked By: విజయ్

    Ans:

    మీరు మేడ్చల్‌ స్థానికతను పొందుతారు.

Q: ఒకటో తరగతి నుంచి ఆరో తరగతి వరకు ప్రభుత్వ గుర్తింపు లేని స్కూల్స్‌లో చదివాను. టీఎస్‌పీఎస్సీ ఎడిట్ ఆప్షన్‌లో వీటికి సంబంధించిన వివరాలను ఎలా నింపాలి?

    Asked By: శ్రీను

    Ans:

    ఓటీఆర్‌ నింపేటప్పుడు ఒకటో తరగతి నుంచి ఆరో తరగతి వరకు ఉన్న కాలమ్‌లో ప్రైవేట్‌ అని పూర్తిచేసి, ఆ కాలానికి సంబంధించి తహసీల్దార్‌ సంతకం చేసిన నివాస ధ్రువీకరణ పత్రాన్ని జత చేయండి

Q: నేను పోలీస్ కానిస్టేబుల్, ఎస్ఐ కమ్యూనికేషన్ పరీక్షకు సిద్ధమవుతున్నాను. ఏయే పుస్తకాలు చదవాలో సూచించండి

    Asked By: ఒక అభ్యర్థి

    Ans:

    జనరల్‌ స్టడీస్‌ కామన్‌గా ఉంటుంది. సబ్జెక్ట్‌ విషయానికి వస్తే పాలిటెక్నిక్‌ ఈసీఈ (ఎలక్ట్రానిక్స్‌ అండ్‌ కమ్యూనికేషన్స్‌) పుస్తకాలను బాగా చదవండి. వీటికి సంబంధించిన బేసిక్‌ కాన్సెప్ట్స్‌పై పట్టు సాధించండి.

Q: నేను ఒకటో తరగతి నాగర్ కర్నూలు జిల్లాలో; రెండు, మూడు తరగతులు రంగారెడ్డిలో; నాలుగు నుంచి ఆరో తరగతి మహబూబ్‌నగర్; ఏడు నుంచి పదో తరగతి వరకు నాగర్ కర్నూలు జిల్లాలో చదువుకున్నాను. ఏ జిల్లా లోకల్ అవుతుంది?

    Asked By: భాగ్యవర్ధం

    Ans:

    ఏడో తరగతి ఎక్కడైతే పాసయ్యారో ఆ ప్రాంతంలో లోకల్‌ కిందకు వస్తారు. నాగర్‌ కర్నూలు జిల్లాలో మీరు స్థానికత పొందుతారు.

Q: టీఎస్‌పీఎస్సీ గ్రూప్-1కు దరఖాస్తు చేసినప్పుడు డిగ్రీ పూర్తయిన సంవత్సరాన్ని పొరబాటున తప్పుగా అప్ చేశాను. ఓటీఆర్‌లో ఎడిట్ చేసి రీసబ్మిట్ చేస్తుంటే మారడం లేదు. దీనివల్ల ఏదైనా సమస్య ఉంటుందా?

    Asked By: చంద్రలేఖ కుంచం

    Ans:

    ఓటీఆర్‌లో ఎడిట్‌ ఆప్షన్‌ తప్పులను సరిదిద్దడానికే ఉంటుంది. నెట్‌వర్క్‌ సరిగా లేకపోయినా ఒక్కోసారి అప్‌డేట్‌ కాదు. మరొకసారి ప్రయత్నించి చూడండి. అప్పటికీ కాకపోతే సర్వీస్‌ కమిషన్‌ను సంప్రదించండి.

Q: గ్రూప్-1 ప్రిలిమ్స్‌కు తెలంగాణ ఎకానమీ చదవాలా? వెయిటేజీ ఎంత ఉంటుంది?

    Asked By: రవితేజ గోషిక

    Ans:

    గ్రూప్‌-1 ప్రిలిమ్స్‌కు తెలంగాణ ఎకానమీ తప్పనిసరిగా చదవాలి. కరెంట్‌ అఫైర్స్‌లోనూ ఆర్థిక సంబంధ ప్రశ్నలు వస్తాయి. అయితే గ్రూప్‌-1, గ్రూప్‌-2 మెయిన్స్‌లో ఎకానమీకి ఉన్నంత వెయిటేజీ గ్రూప్‌-1 ప్రిలిమ్స్‌లో ఉండదు.