Post your question

 

Q: 2014 లో నేను +2 పూర్తి చేసాను కొన్ని కారణాల వల్ల డిగ్రీని కొనసాగించాను చేయలేక పోయాను మళ్ళీ ౨౦౨౧ లో డిగ్రీకి ఓపెన్ యూనివర్సిటీ లో పూర్తి చేసాను. నేను ప్రభుత్వ ఉద్యోగానికి దరఖాస్తు చేసుకోడానికి అర్హురాలినా, కాదా?

    Asked By: swathi

    Ans:

    ప్రభుత్వ ఉద్యోగాలకు దరఖాస్తు చేసుకోవడానికి మీకు అర్హత ఉంది.

Q: ఒకటో తరగతి నుంచి నాలుగో తరగతి వరకు నిజామాబాద్ జిల్లాలో, అయిదో తరగతి కామారెడ్డిలో, 6 నుంచి 10వ తరగతి ఆంధ్రప్రదేశ్‌లో చదువుకున్నాను. నేను ఏ ప్రాంత స్థానికతను పొందుతాను?

    Asked By: ఇఖిల్

    Ans:

    కొత్త నిబంధనల ప్రకారం ఒకటి నుంచి ఏడు తరగతుల్లోపు నాలుగు సంవత్సరాలు ఎక్కడ చదివితే అక్కడే లోకల్‌ అవుతారు. మీరు ఒకటి నుంచి నాలుగో తరగతి వరకు నిజామాబాద్‌లో చదివారు కాబట్టి ఆ జిల్లా స్థానికతనే పొందుతారు.

Q: నేను ఇంటర్‌ ఒకేషనల్‌ మెకానికల్‌ పూర్తి చేశాను. తర్వాత ఒక సంవత్సరం ఖాళీగా ఉన్నాను. మళ్లీ డిప్లొమా పూర్తి చేసి బీటెక్‌ చేశాను. ఈ విషయాన్ని ఓటీఆర్‌లో ఎలా నింపాలి?

    Asked By: kaka

    Ans:

    మీరు ఖాళీగా ఉన్న సంవత్సరాన్ని వదిలేసి చదువుకున్న సంవత్సరాలనే ఓటీఆర్‌లో నింపండి. సరిపోతుంది.

Q: ఉద్యోగం త్వరగా రావాలంటే..? ఇంటర్‌ (ఎంపీసీ) చదివాను. తర్వాత ఇంజినీరింగ్‌ కాకుండా.. త్వరగా ఉద్యోగం సంపాదించడానికి ఏ కోర్సులు చేయాలి?

    Asked By: ఎం.పార్థసారథి నాయుడు

    Ans:

    ఇంటర్‌ చదివిన తరువాత త్వరగా ఉద్యోగం సంపాదించాలంటే ప్రాచుర్యమున్న ఏదో ఒక కోర్సులో డిగ్రీ/ ఒకేషనల్‌ డిగ్రీ చేయాలి. ఉదాహరణకు- హోటల్‌ మేనేజ్‌మెంట్, బిజినెస్‌ మేనేజ్‌మెంట్, కంప్యూటర్‌ సైన్స్, టూరిజం మేనేజ్‌మెంట్, ఫ్యాషన్‌ టెక్నాలజీ, డేటా సైన్స్, రిటెయిలింగ్, ఈ-కామర్స్, డిజిటల్‌ మార్కెటింగ్, కోడింగ్, బ్యాంకింగ్, ఇన్సూరెన్స్‌ అండ్‌ ఫైనాన్సియల్‌ సర్వీసెస్, సాఫ్ట్‌వేర్‌ డెవలప్‌మెంట్, ఆటోమొబైల్‌ టెక్నాలజీ, ప్రింటింగ్‌ టెక్నాలజీ, రెఫ్రిజరేషన్, ఏర్‌కండిషనింగ్, ఫారిన్‌ ట్రేడ్, యానిమేషన్, మల్టీమీడియా, విజువల్‌ ఆర్ట్స్, మాస్‌ కమ్యూనికేషన్, ఈవెంట్‌ మేనేజ్‌మెంట్, వెబ్‌ డిజైనింగ్, ఇంటీరియర్‌ డిజైన్‌. మీకు బోధనరంగంపై ఆసక్తి ఉంటే డీ…ఈడీ చేసే అవకాశం ఉంది. లాయర్‌గా స్థిరపడే ఆలోచన ఉంటే ఐదు సంవత్సరాల లా కోర్సు గురించి కూడా ఆలోచించవచ్చు. ఇవే కాకుండా చార్టర్డ్‌ అకౌంటెన్సీ, కంపెనీ సెక్రటరీ, కాస్ట్‌ అండ్‌ వర్క్‌ అకౌంటెంట్‌ లాంటి కోర్సులు చేసినవారికీ డిమాండ్‌ ఉంది. పైన చెప్పిన కోర్సుల్లో ఆసక్తి ఉన్న కోర్సును చదివి, త్వరగా ఉద్యోగం సంపాదించాలనే మీ కల నిజం చేసుకోండి! - ప్రొ. బెల్లంకొండ రాజశేఖర్, కెరియర్‌ కౌన్సెలర్‌

Q: ప్రస్తుత గ్రూప్ 1 నోటిఫికేషన్ లో ప్రభుత్వోద్యోగులు NOC ఎప్పుడు సమర్పించాలి.? అప్లయ్ చేసుకునే సమయానికా ? లేక వెరిఫికేషన్ సమయం లో సమర్పిస్తే సరిపోతుందా?

    Asked By: Dheekshith Kumar

    Ans:

    గ్రూప్‌-1కి దరఖాస్తు చేసుకునే ముందు ప్రస్తుతం మీరు పని చేస్తున్న శాఖాధికారికి తెలియజేయాలి. ఎన్‌ఓసీని వెరిఫికేషన్‌ సమయంలో సమర్పించాల్సి ఉంటుంది.

Q: ఇంజినీరింగ్‌ డిగ్రీ చేసి ప్రభుత్వరంగ సంస్థలో పనిచేస్తున్నాను. దూరవిద్యలో ఎంటెక్‌ చేయొచ్చా? ఉద్యోగానికి సెలవుపెట్టి రెగ్యులర్‌గా ఎంటెక్‌ చేసే అవకాశం ఉంటుందా?

    Asked By: రామకృష్ణ

    Ans:

    ఎంటెక్‌ కోర్సు దూరవిద్యలో చేయడానికి అవకాశం లేదు. మీరు ఎంటెక్‌ కోర్సుని రెగ్యులర్‌గా చదవాలనుకొంటే రెండు సంవత్సరాలు ఉద్యోగానికి సెలవు పెట్టి, మంచి విద్యాసంస్థలో చదివే ప్రయత్నం చేయండి. అతి తక్కువ యూనివర్సిటీల్లో పార్ట్‌ టైమ్‌ ఎంటెక్‌ ప్రోగ్రామ్‌ అందుబాటులో ఉంది. పార్ట్‌ టైమ్‌ ఎంటెక్‌ కోర్స్‌ కాలవ్యవధి మూడు సంవత్సరాలు. ఈ కోర్సులో క్లాసులు సాయంత్రం పూట నిర్వహిస్తారు. బిట్స్‌ పిలానీలో వర్క్‌ ఇంటిగ్రేటెడ్‌ లర్నింగ్‌ ప్రోగ్రామ్స్‌లో భాగంగా వర్కింగ్‌ ప్రొఫెషనల్స్‌ కోసం ఆన్‌లైన్‌ ఎం టెక్‌ ప్రోగ్రామ్‌ అందుబాటులో ఉంది. - ప్రొ. బెల్లంకొండ రాజశేఖర్, కెరియర్‌ కౌన్సెలర్‌

Q: ఒకటి నుంచి అయిదో తరగతి వరకు బోనఫైడ్ సర్టిఫికెట్ లేదు. ఓటీఆర్‌లో ఈ తరగతులకు సంబంధించిన వివరాలను ఎలా పేర్కొనాలి?

    Asked By: జ్యోతి కిషోర్

    Ans:

    ఓటీఆర్‌లో వివరాలు నింపేటప్పుడు ప్రైవేట్‌ అని కాలమ్‌లో పూర్తి చేయండి.

Q: పదో తరగతి మెమో మిస్‌ అయ్యింది. బోర్డు నుంచి మరొక సర్టిఫికెట్‌ తీసుకున్నాను. కానీ దానిపై డూప్లికెట్‌ అని ఉంది. ప్రస్తుతం డిగ్రీ పూర్తయ్యింది. ప్రభుత్వ ఉద్యోగాలకు దరఖాస్తు చేద్దామనుకుంటున్నాను. పదో తరగతి సర్టిఫికెట్‌ కారణంగా జాబ్‌ విషయంలో ఏదైనా సమస్య ఉంటుందా?

    Asked By: Vinaykumar

    Ans:

    బోర్డు ఇచ్చిన సర్టిఫికెట్‌ కాబట్టి ఎలాంటి  సమస్యా ఉండదు. నిస్సంకోచంగా ప్రభుత్వ ఉద్యోగాలకు దరఖాస్తు  చేసుకోవచ్చు. 

Q: నేను బీటెక్ చివరి సంవత్సరం చదువుతున్నాను. జులై/సెప్టెంబరుకి బీటెక్ పూర్తవుతుంది. టీఎస్‌పీఎస్సీ పరీక్షలకు అప్లై చేయడానికి అర్హత ఉంటుందా?

    Asked By: కార్తీక్

    Ans:

    ప్రస్తుత సంవత్సరానికి అవకాశం ఉండదు. నోటిఫికేషన్‌ వచ్చేనాటికి పాసై సర్టిఫికెట్‌ చేతిలో ఉంటే రాబోయే నోటిఫికేషన్లకు దరఖాస్తు చేసుకోవచ్చు.

Q: నా స్వస్థలం వికారాబాద్ జిల్లా. చదువు మొత్తం సంగారెడ్డి జిల్లాలో పూర్తయ్యింది. కొత్త జోనల్ విధానం ప్రకారం సంగారెడ్డి జిల్లాకి చెందుతాను. నా దగ్గర కుల, నివాస ధ్రువీకరణ పత్రాలు వికారాబాద్‌లో తీసుకున్నవి (2018) ఉన్నాయి. ఉద్యోగ దరఖాస్తు (ఎస్ఐ అండ్ కానిస్టేబుల్)కు ఇవి సరిపోతాయా లేదా సంగారెడ్డి జిల్లాకి చెందినవి తీసుకోవాలా? నాన్-క్రీమీలేయర్ సర్టిఫికెట్ ఏ జిల్లా నుంచి తీసుకోవాలి?

    Asked By: వినయ్ కుమార్

    Ans:

    స్వస్థలానికి చెందిన ఎంఆర్‌ఓ కార్యాలయం నుంచే కుల, నివాస ధ్రువీకరణ పత్రాలు, నాన్‌-క్రీమీలేయర్‌ సర్టిఫికెట్‌ను తీసుకోవాలి.