* 44% మేర పెరిగిన ఎస్సీ ప్రవేశాలు
* 2021-22 సర్వేను విడుదల చేసిన కేంద్ర విద్యాశాఖ
ఈనాడు, దిల్లీ: దేశవ్యాప్తంగా ఉన్నత విద్యాసంస్థల్లో 2021-22 విద్యాసంవత్సరంలో 4.33 కోట్ల మంది విద్యార్థులు చేరినట్లు కేంద్ర ప్రభుత్వం వెల్లడించింది. అంతకుముందు ఏడాదితో పోలిస్తే 4.58% వృద్ధి నమోదైనట్లు తెలిపింది. 2020-21లో 4.14 కోట్ల మంది విద్యార్థులు ఉన్నత విద్యలో చేరారని పేర్కొంది. జనవరి25న కేంద్ర విద్యాశాఖ.. ఉన్నత విద్యపై 2021-22కు సంబంధించి దేశవ్యాప్త సర్వేను విడుదల చేసింది.
* ఇందులో ముఖ్యాంశాలేంటంటే..
* 2014-15 నుంచి 2021-22 మధ్యకాలంలో మహిళా విద్యార్థుల సంఖ్య 1.57 కోట్ల నుంచి 2.2 కోట్లకు పెరిగింది. 32% వృద్ధి నమోదైంది.
* ఎస్సీ విద్యార్థుల ప్రవేశాలు 44%మేర పెరిగాయి. వీరి సంఖ్య 2014-15లో 46.07 లక్షలు ఉండగా, 2021-22 నాటికి 66.23 లక్షలకు చేరింది.
* మహిళా ఎస్సీ విద్యార్థుల సంఖ్య 21.02 లక్షల నుంచి 31.72 లక్షలకు పెరిగి 51% వృద్ధి నమోదైంది.
* ఎస్టీ విద్యార్థుల సంఖ్య 16.41 లక్షల నుంచి 27.1 లక్షలకు చేరింది. ఇందులో 65.2% పెరుగుదల నమోదైంది.
* ఎస్టీ మహిళా విద్యార్థుల సంఖ్య 7.47 లక్షల నుంచి 13.46 లక్షలకు పెరిగింది. 80% వృద్ధి కనిపించింది.
* ఓబీసీ విద్యార్థుల సంఖ్య 1.13 కోట్ల నుంచి 1.63 కోట్లకు చేరింది. 45% పెరుగుదల కనిపించింది.
* మహిళా ఓబీసీ విద్యార్థుల సంఖ్య 52.36 లక్షల నుంచి 78.19 లక్షలకు పెరిగింది. ఇందులో 49.3% వృద్ధి నమోదైంది.
* 2014-15 నుంచి 2021-22 మధ్యకాలంలో పీహెచ్డీ ప్రవేశాలు 1.17 లక్షల నుంచి 2.13 లక్షలకు (81.2%) పెరిగాయి. ఇందులో మహిళా విద్యార్థుల సంఖ్య 48 వేల నుంచి 99 వేలకు పెరిగింది.
* ఉన్నత విద్యలో మైనార్టీ మహిళా విద్యార్థుల సంఖ్య 10.7 లక్షల నుంచి 15.2 లక్షల(42.3%)కి చేరింది.
* 2014-15 తర్వాత దేశంలో 341 యూనివర్శిటీలు, ఆ స్థాయి విద్యాసంస్థలు ఏర్పాటయ్యాయి.
* మహిళా బోధనా సిబ్బంది సంఖ్య 5.69 లక్షల నుంచి 6.94 లక్షలకు చేరింది. ఇందులో 22% వృద్ధి నమోదైంది.
* 17 యూనివర్శిటీలు, వాటి పరిధిలోని 4,470 కాలేజీలు కేవలం మహిళలకే పరిమితమయ్యాయి.
* బోధనా సిబ్బంది సంఖ్య ఇప్పుడు 15.98 లక్షలకు చేరింది. ఇందులో 56.6% పురుషులు, 43.4% మహిళలు ఉన్నారు.
మరింత సమాచారం... మీ కోసం!
‣ భవిష్యత్తు.. ఈ 12 టెక్నాలజీలదే!
‣ రైల్వే కోర్సులు.. అపార అవకాశాలు
‣ విజయానికి నైపుణ్యాలే సోపానాలు!
‣ వండర్ కెరియర్.. విజువల్ అనలిటిక్స్
‣ ఇవి పాటిస్తే.. సర్కారు నౌకరీ!
‣ Read Latest jobs, Latest notifications and Latest govt jobs
‣ Follow us on Facebook, Twitter, Koo, Share chat, Google News Subscribe our Youtube Channel.