దేశ వ్యాప్తంగా 11 ప్రభుత్వ రంగ బ్యాంకుల్లో 6,128 క్లర్కు ఉద్యోగాల భర్తీకి ఇన్‌స్టిట్యూట్ ఆఫ్ బ్యాంకింగ్ పర్సనల్ సెలక్షన్ (ఐబీపీఎస్) నోటిఫికేషన్ విడుదల చేసింది. ఈ మేరకు 2025-2026 సంవత్సరానికి సంబంధించి కామన్ రిక్రూట్‌మెంట్‌ ప్రాసెస్ (సీఆర్పీ)-XIV నిర్వహించనుంది. ఆంధ్రప్రదేశ్‌లో 105, తెలంగాణలో 104 ఖాళీలు ఉన్నాయి. తగిన విద్యార్హతలు, ఆసక్తి ఉన్న అభ్యర్థులు ఈ ఉద్యోగాలకు ఆన్‌లైన్‌ విధానంలో దరఖాస్తు చేసుకోవచ్చు. 

వివరాలు

పోస్టులు: 6,128 క్లర్కులు

అర్హత: ఏదైనా డిగ్రీ ఉత్తీర్ణతతో పాటు కంప్యూటర్ పరిజ్ఞానం కలిగి ఉండాలి.

వయసు: 20-28 ఏళ్ల మధ్య ఉండాలి.

ఎంపిక విధానం: ప్రిలిమినరీ, మెయిన్స్ రాత పరీక్షల ఆధారంగా ఎంపిక ఉంటుంది.

దరఖాస్తు ఫీజు: ఎస్సీ/ఎస్టీ/దివ్యాంగులు/ఎక్స్-సర్వీస్‌మెన్ అభ్యర్థులకు రూ.175. ఇతరులకు రూ.850.

ఉద్యోగాలు కల్పిస్తున్న బ్యాంకులు: బ్యాంక్ ఆఫ్ బరోడా, కెనరా బ్యాంక్, ఇండియన్ ఓవర్సీస్ బ్యాంక్, యూకో బ్యాంక్, బ్యాంక్ ఆఫ్ ఇండియా, సెంట్రల్ బ్యాంక్ ఆఫ్ ఇండియా, పంజాబ్ నేషనల్ బ్యాంక్, పంజాబ్ అండ్ సిండికేట్‌ బ్యాంక్, యూనియన్ బ్యాంక్ ఆఫ్ ఇండియా, బ్యాంక్ ఆఫ్ మహారాష్ట్ర, ఇండియన్ బ్యాంక్. 

ముఖ్యమైన తేదీలు;

ఆన్‌లైన్ దరఖాస్తు: జులై 1, 2024 నుంచి దరఖాస్తు ప్రక్రియ మొదలైంది. 21 వరకు దరఖాస్తు చేతసుకోవచ్చు.

ప్రీ-ఎగ్జామ్‌ ట్రైనింగ్‌ నిర్వహణ తేదీలు: 12 ఆగస్టు, 2024 నుంచి 17 ఆగస్టు 2024 వరకు.

ఆన్‌లైన్‌ ప్రిలిమిన‌రీ పరీక్ష తేదీలు: 2024 ఆగస్టు 24, 25, 31.

ప్రిలిమినరీ పరీక్ష ఫలితాల విడుదల: సెప్టెంబర్, 2024.

ఆన్‌లైన్‌ మెయిన్ పరీక్ష: 13 అక్టోబరు, 2024.

తెలుగు రాష్ట్రాల్లో పరీక్ష కేంద్రాలు; తెలంగాణలో హైదరాబాద్, సికింద్రాబాద్, కరీంనగర్. ఆంధ్రప్రదేశ్ లో గుంటూరు, విజయవాడ, కర్నూలు, విశాఖపట్నం. 
 

మరింత సమాచారం... మీ కోసం!

‣ వాయుసేనలో అగ్నివీరులవుతారా?

‣ బెల్‌లో ఉద్యోగాలు!

‣ డిప్లొమాతో ఉద్యోగాలకు బాటలు!

‣ డీవీసీలో జూనియర్‌ ఇంజినీర్‌ ఖాళీలు!

‣ అగ్రి బిజినెస్‌ మేనేజ్‌మెంట్‌తో అపార అవకాశాలు!

‣ Read Latest jobs, Latest notifications and Latest govt jobs