* 11వ తేదీ నుంచి పరీక్షలు
* మొత్తం 4,62,589 మంది దరఖాస్తు
ఈనాడు ప్రతిభ డెస్క్‌: కామన్‌ యూనివర్సిటీ ఎంట్రన్స్‌ టెస్టు (సీయూఈటీ) పీజీ 2024 అడ్మిట్‌కార్డులు విడుదలయ్యాయి. పరీక్షకు దరఖాస్తు చేసుకున్న అభ్యర్థులు దరఖాస్తు నంబర్‌, పుట్టిన తేదీ వివరాలు నమోదు చేసుకుని అడ్మిట్‌కార్డులు డౌన్‌లోడ్‌ చేసుకోవచ్చు. దేశ వ్యాప్తంగా ప్రధాన నగరాల్లో మార్చి 11వ తేదీ నుంచి 28వ తేదీ వరకు పరీక్షలు జరుగనున్నాయి. మొత్తం 157 సబ్జెక్టుల్లో పరీక్ష ఉంటుంది. పరీక్షకు 4,62,589 మంది దరఖాస్తు చేసుకున్నారు. ఈ నోటిఫికేషన్‌తో దేశవ్యాప్తంగా ప్రముఖ విద్యాసంస్థలు పీజీ కోర్సుల్లోకి ప్రవేశం కల్పిస్తున్నాయి. వీటిలో కేంద్రీయ విశ్వవిద్యాలయాలతోపాటు కేంద్రం ఆధ్వర్యంలో నడుస్తోన్న విద్యాసంస్థలు, రాష్ట్ర స్థాయి విశ్వవిద్యాలయాలు, డీమ్డ్‌ యూనివర్సిటీలు, ప్రైవేటు విద్యాసంస్థలు సైతం ఉన్నాయి. ఈ ప్రవేశ పరీక్షను నేషనల్‌ టెస్టింగ్‌ ఏజెన్సీ (ఎన్‌టీఏ) నిర్వహిస్తుంది.
సీయూఈటీ పీజీ అడ్మిట్‌కార్డుల కోసం క్లిక్‌ చేయండి
‣ Read Latest jobs, Latest notifications and Latest govt jobs
‣ Follow us on Facebook, Twitter, Koo, Share chat, Google News Subscribe our Youtube Channel.
