ఈనాడు, అమరావతి: ఇంజినీరింగ్‌ రెండో సంవత్సరంలో ప్రవేశాలకు నిర్వహించే ఏపీ ఈసెట్‌ కౌన్సెలింగ్‌ జూన్ 26 నుంచి ప్రారంభించనున్నట్లు సాంకేతిక విద్యా శాఖ ప్రకటించింది. కౌన్సెలింగ్‌కు సంబంధించి జూన్ 24న ప్రకటన విడుదల చేసింది. ప్రాసెసింగ్‌ ఫీజు, రిజిస్ట్రేషన్లకు జూన్ 26 నుంచి 30 వరకు అవకాశం కల్పించారు. ధ్రువపత్రాల పరిశీలన 27 నుంచి జులై 3 వరకు నిర్వహిస్తారు. కోర్సులు, కళాశాలల ఎంపికకు వెబ్‌ ఐచ్ఛికాల నమోదు జులై 1 నుంచి 4 వరకు ఉంటుంది. 5న ఐచ్ఛికాలను మార్పు చేసుకోవచ్చు. 8న సీట్లు కేటాయిస్తారు. అభ్యర్థులు జులై 9 నుంచి 15లోపు కళాశాలల్లో చేరాల్సి ఉంటుంది. తరగతులు జులై 10 నుంచి ప్రారంభమవుతాయి. డిప్లొమో ఇన్‌ ఫార్మసీ, వ్యవసాయ కోర్సుల విద్యార్థులకు అకడమిక్‌ ప్రక్రియ పూర్తి కానందున.. వారికి ప్రత్యేకంగా మరోసారి కౌన్సెలింగ్‌ నిర్వహించాలని నిర్ణయించారు.
మరింత సమాచారం... మీ కోసం!
‣ పరీక్ష లేకుండానే ఫార్మా కొలువులు
‣ డిప్లొమాతో ఉద్యోగాలకు బాటలు!
‣ Read Latest jobs, Latest notifications and Latest govt jobs
‣ Follow us on Facebook, Twitter, Koo, Share chat, Google News Subscribe our Youtube Channel.
