ఈనాడు-హైదరాబాద్‌: తెలంగాణ రాష్ట్ర ప్రభుత్వం మార్చి 14 నుంచి 17 వరకు నిర్వహించిన టీఎస్‌-సెట్‌లోని ప్రశ్నలకు, ‘కీ’లోని సమాధానాలకు పొంతన లేకపోవడంతో అభ్యర్థులు ఆందోళన చెందుతున్నారు. ఈ పరీక్షకు సంబంధించిన ‘కీ’ను నిర్వాహకులు మార్చి 25న విడుదల చేశారు. సమాధానాలపై అభ్యంతరాలుంటే.. ఆధారాలు సహా టీఎస్‌సెట్‌ వెబ్‌సైట్‌లో అప్‌లోడ్‌ చేయాలని సూచించారు. దీంతో అభ్యర్థులు పెద్దసంఖ్యలో అభ్యంతరాలను తెలుపుతున్నారు. పీజీ, ఇతర పుస్తకాల్లోని పేజీ నంబర్లు సహా సరైన సమాధానాలను వెబ్‌సైట్‌లో అప్‌లోడ్‌ చేస్తున్నారు. ఆంగ్ల భాష-2 ప్రశ్నపత్రంలో 33, రాజనీతి శాస్త్రంలో 11 ప్రశ్నలకు సమాధానాలు సక్రమంగా లేవని, సోషల్‌ వర్క్‌కు సంబంధించి 9 ప్రశ్నల జవాబులు తప్పుగా ఉన్నాయని, మరో 16 ప్రశ్నలకు అరకొర సమాధానాలే ఉన్నాయని అభ్యర్థులు తెలిపారు. దీనిపై టీఎస్‌-సెట్‌ సభ్య కార్యదర్శి ప్రొఫెసర్‌ సి.మురళీకృష్ణను వివరణ కోరగా.. సాంకేతిక సమస్యల కారణంగా పొరపాట్లు దొర్లాయని, మార్చి 29న తుది ‘కీ’ని విడుదల చేస్తామని తెలిపారు.
మరింత సమాచారం... మీ కోసం!
‣ విదేశాల్లో యువతకు మరిన్ని ఉద్యోగావకాశాలు
‣ ఎన్‌ఐటీ విద్యార్థుల హవా.. ప్రాంగణ నియామకాల్లో 1,326 మంది ఎంపిక
‣ ఆ సమాచార నిధి.. ఉద్యోగాల వార‌ధి!
‣ Read Latest jobs, Latest notifications and Latest govt jobs
‣ Follow us on Facebook, Twitter, Koo, Share chat, Google News Subscribe our Youtube Channel.
