ఈనాడు, అమరావతి: బీఈడీ కళాశాలల్లో స్పాట్‌, యాజమాన్య కోటా సీట్ల భర్తీకి ఉన్నత విద్యామండలి షెడ్యూల్‌ విడుదల చేసింది. కన్వీనర్‌ కోటాలో మిగిలిన సీట్లను స్పాట్‌ కోటా కింద ఏప్రిల్ 12లోపు సీట్ల భర్తీ ప్రక్రియ పూర్తి చేయాలని సూచించింది. మార్చి 30 నుంచి ఏప్రిల్ 3వరకు ప్రవేశాలు నిర్వహించాలని, ఈ వివరాలను వెబ్‌ పోర్టల్‌లో ఏప్రిల్ 12లోపు అప్‌లోడ్‌ చేయాలని పేర్కొంది. ఈడబ్ల్యూఎస్‌ కోటా సీట్లను స్థానికులతోనే భర్తీ చేయాలని, సబ్జెక్టు మెథడాలజీ ప్రకారమే సీట్లు కేటాయించాలని సూచించింది. యాజమాన్య కోటా 25 శాతం సీట్ల కోసం ఏప్రిల్ 4నుంచి రిజిస్ట్రేషన్లు ప్రారంభించాలని యాజమాన్యాలను ఆదేశించింది. అపరాధ రుసుముతో ఏప్రిల్ 20 వరకు అవకాశం కల్పించింది. యాజమాన్య కోటా (కేటగిరి-బీ) రిజిస్ట్రేషన్‌కు ఎడ్‌సెట్‌ ఉత్తీర్ణులైన వారు రూ.వెయ్యి, అనుత్తీర్ణులైన వారు రూ.1,400 చొప్పున చెల్లించాల్సి ఉంటుంది.
మరింత సమాచారం... మీ కోసం!
‣ జీవ శాస్త్రాల్లో కొలువుకు విస్తృత అవకాశాలు
‣ మార్కులకు పరిష్కారం.. పునశ్చరణే!
‣ ఐటీ, కార్పొరేట్‌ రంగాల్లో రాణిద్దాం ఇలా..
‣ Read Latest jobs, Latest notifications and Latest govt jobs
‣ Follow us on Facebook, Twitter, Koo, Share chat, Google News Subscribe our Youtube Channel.
