* స్థానికతకు 1-7 తరగతులే ప్రామాణికం
ఈనాడు, హైదరాబాద్‌: రాష్ట్రంలోని ఉపాధ్యాయ ఖాళీల భర్తీకి చేపట్టిన డీఎస్సీ ఆన్‌లైన్‌ దరఖాస్తుల ప్రక్రియ మార్చి4న రాత్రి 12 గంటల తర్వాత ప్రారంభమైంది. మొత్తం 11,062 పోస్టుల భర్తీకి డీఎస్సీ నోటిఫికేషన్‌ విడుదలైన విషయం తెలిసిందే. ఏప్రిల్ 3 వరకు https://schooledu.telangana.gov.in ద్వారా దరఖాస్తు చేసుకునే అవకాశం ఉంది. ఏ జిల్లాలో ఎన్ని పోస్టులు ఉన్నాయనే విషయాన్ని విద్యాశాఖ ఇప్పటికే ప్రకటించింది. తాజాగా జిల్లాల వారీగా ఏ సబ్జెక్టుకు ఎన్ని ఖాళీలు, వాటికి సంబంధించిన రోస్టర్‌ను విడుదల చేసింది. సిలబస్‌లో ఎలాంటి మార్పులు చేయలేదు. అయితే కంప్యూటర్‌ ఆధారిత పరీక్ష(సీబీటీ)ల తేదీలను ఇంకా వెల్లడించలేదు. త్వరలోనే ప్రకటిస్తామని పేర్కొంది. అభ్యర్థుల స్థానికతను నిర్ధారించేందుకు గతంలో 4-10 తరగతులను పరిగణనలోకి తీసుకోగా, తాజాగా 1-7 తరగతులను లెక్కలోకి తీసుకుంటారు.
* గత ఏడాది డీఎస్సీకి దరఖాస్తు చేసిన వారు మళ్లీ చేయనవసరం లేదు.
* సెకండరీ గ్రేడ్ టీచర్‌(ఎస్జీటీ) పోస్టులకు కేవలం డీఎడ్‌ పూర్తి చేసిన వారే అర్హులు. బీఎడ్‌ వారు పోటీపడే అవకాశంలేదు.
* స్కూల్ అసిస్టెంట్(ఎస్‌ఏ) ఉద్యోగాలకు సంబంధిత విధానంలో బీఎడ్‌ పూర్తి చేసిన వారు అర్హులు. నాలుగేళ్ల బీఎడ్‌ పూర్తి చేసిన వారూ పోటీపడొచ్చు.
* ఫిజికల్ ఎడ్యుకేషన్‌ టీచర్‌ పోస్టులకు దరఖాస్తు చేసేవారు ఇంటర్‌లో 50 శాతం మార్కులతో ఉత్తీర్ణులై ఉండాలి. దీంతోపాటు యూజీ డీపీఈడీ కోర్సు పూర్తిచేసి ఉండాలి. డిగ్రీ పూర్తిచేసినవారు.. బీపీఈడీ కోర్సులో ఉత్తీర్ణులై ఉండాలి.
* బీఎడ్‌, డీఎడ్‌ చివరి సంవత్సరం/చివరి సెమిస్టర్‌ పరీక్షలు రాసినవారు కూడా దరఖాస్తులు సమర్పించవచ్చు. వారికి డీఎస్సీ వెరిఫికేషన్‌ నాటికి ధ్రువీకరణపత్రాలు ఉండాలి.
* అభ్యర్థుల గరిష్ఠ వయో పరిమితికి కటాఫ్‌ తేదీగా 1-7-23ను నిర్ణయించారు. ఈ తేదీలోగా 46 సంవత్సరాలు గలవారై ఉండాలి. కనిష్ఠ వయోపరిమితి 18 ఏళ్లు. ప్రభుత్వ ఉద్యోగులకు 5, మాజీ సైనికులకు 3, ఎస్సీ, ఎస్టీ, బీసీ, ఈడబ్ల్యూఎస్‌ వారికి 5, దివ్యాంగులకు 10 ఏళ్ల సడలింపు వర్తిస్తుంది.
* తెలంగాణ, ఏపీ టెట్‌, లేదా సెంట్రల్‌టెట్‌(సీ టెట్‌)లో క్వాలిఫై అయి ఉండాలి.
* గతంలో ఏజెన్సీ పోస్టుల్లో 100 శాతం గిరిజనులకే కేటాయించగా, ఈ నిబంధనను తాజాగా ఎత్తివేశారు. అంతా పోటీపడొచ్చు.
* ఎస్టీ రిజర్వేషన్‌ గతంలో 6 శాతం ఉండగా, పెంచిన 10 శాతాన్నే వర్తింపజేస్తారు.
* ఇంటర్‌లో మార్కుల శాతం ఎస్సీ, ఎస్టీ, బీసీ, దివ్యాంగులకు 40 శాతానికి సడలింపు
* గతంలో లోకల్‌, ఓపెన్‌కోటా రిజర్వేషన్‌ 80:20 పద్ధతిలో ఉండగా, తాజాగా 95:5 రేషియోను అమలు చేస్తారు.
* జీవో-3 ప్రకారం మహిళలకు సమాంతర రిజర్వేషన్లు అమలుచేస్తారు. మూడు పోస్టులుంటే ఒకటి మహిళతో భర్తీ చేస్తారు.
టీఆర్‌టీ/డీఎస్సీ తెలంగాణ
మరిన్ని వాటి కోసం క్లిక్ చేయండి
మరింత సమాచారం... మీ కోసం!
‣ విదేశీ కొలువు కల.. సాకారం ఇలా!
‣ గ్రూప్‌-1 ప్రిలిమ్స్‌ తుది సన్నద్ధత! (ఏపీపీఎస్సీ)
‣ గ్రూప్‌-1 ప్రిపరేషన్‌ ప్లాన్‌ (టీఎస్‌పీఎస్సీ)
‣ ‘ట్రిపుల్‌ ఆర్‌’తో ఒత్తిడిని చిత్తు చేద్దాం!
‣ ఈ నైపుణ్యాలే ఫ్రెషర్లకు ధీమా!
‣ Read Latest jobs, Latest notifications and Latest govt jobs
‣ Follow us on Facebook, Twitter, Koo, Share chat, Google News Subscribe our Youtube Channel.
