ఈనాడు డిజిటల్, అమరావతి: అమెరికా వ్యాప్తంగా నివసిస్తున్న తెలుగువారి పిల్లలకు మాతృభాషను నేర్పించడానికి ఏపీ ప్రభుత్వం, తానా సంయుక్తంగా ‘తానా-పాఠశాల’ పేరుతో కార్యక్రమం నిర్వహిస్తున్నట్లు సమన్వయకర్త భానుప్రకాశ్‌ మాగులూరి తెలిపారు. దీని ద్వారా ఆన్‌లైన్‌ విధానంలో తెలుగు పాఠాలు బోధించనున్నట్లు పేర్కొన్నారు. మాతృభాషను విస్మరించిన ఏ జాతి మనుగడ సాగించలేదన్నారు. అమెరికా రాజధాని వాషింగ్టన్‌ డీసీలో ‘తానా-పాఠశాల’పై అవగాహన కార్యక్రమం నిర్వహించారు. ఈ సందర్భంగా బాలబాలికలకు తెలుగు పుస్తకాలు పంపిణీ చేశారు. తెలుగును భావితరాలకు అందించాల్సిన బాధ్యత మనందరిపై ఉందని గుంటూరు మిర్చియార్డు మాజీ ఛైర్మన్‌ మన్నవ సుబ్బారావు అన్నారు. అమెరికాలోని తెలుగువారిని ఓ గొడుగు కిందకు తెచ్చిన ఘనత తానాకు దక్కుతుందని ప్రశంసించారు. కార్యక్రమంలో యెండూరి సీతారామారావు, అవిర్నేని రమేష్, అలంపల్లి రవికుమార్‌ పాల్గొన్నారు.
మరింత సమాచారం... మీ కోసం!
‣ గిరికోనల్లో... చదువుల మెరుపు!
‣ టెన్త్‌ విద్యార్హతతో ఉద్యోగాలెన్నో్!
‣ భవితను నిర్దేశించే... మేలైన ఎంపిక!
‣ Read Latest jobs, Latest notifications and Latest govt jobs
‣ Follow us on Facebook, Twitter, Share chat, Google News Subscribe our Youtube Channel.
