* జూన్ 30 వరకు దరఖాస్తుల అనుమతి
ఈనాడు, అమరావతి: బీబీఏ, బీసీఏ, బీఎంఎస్‌ కోర్సులున్న కళాశాలలకు ఈ ఏడాది ఎలాంటి తనిఖీలు లేకుండా అనుమతులు ఇచ్చేందుకు అఖిల భారత సాంకేతిక విద్యామండలి(ఏఐసీటీఈ) ఛైర్మన్‌ సీతారాం అంగీకరించినట్లు డిగ్రీ కళాశాలల యాజమాన్యాల సంఘం అధ్యక్షుడు గుండారెడ్డి తెలిపారు. దిల్లీలో గురువారం కేంద్ర మంత్రి రామ్మోహన్‌నాయుడు, ఎంపీలు భరత్, శ్రీకృష్ణదేవరాయలను కలిశారు. మంత్రి రామ్మోహన్‌నాయుడు.. ఏఐసీటీఈ ఛైర్మన్‌తో మాట్లాడి సమయం తీసుకోవడంతో యాజమాన్యాలు కలిశాయి. బీబీఏ, బీసీఏ, బీఎంఎస్‌ కోర్సుల అనుమతులపై ఛైర్మన్‌తో చర్చించాయి. పదేళ్లుగా ఈ కోర్సులు నిర్వహిస్తున్న కళాశాలల అనుమతులను కొనసాగించాలని యాజమాన్యాలు కోరాయి. తనిఖీలు లేకుండా అనుమతుల కోసం కళాశాలలు జూన్ 30 వరకు ఆన్‌లైన్‌లో వివరాలు నమోదు చేసి, దరఖాస్తు చేసుకోవాలని ఛైర్మన్‌ సీతారాం సూచించారు.
మరింత సమాచారం... మీ కోసం!
‣ డిప్లొమాతో ఉద్యోగాలకు బాటలు!
‣ డీవీసీలో జూనియర్‌ ఇంజినీర్‌ ఖాళీలు!
‣ అగ్రి బిజినెస్‌ మేనేజ్‌మెంట్‌తో అపార అవకాశాలు!
‣ Read Latest jobs, Latest notifications and Latest govt jobs
‣ Follow us on Facebook, Twitter, Koo, Share chat, Google News Subscribe our Youtube Channel.
