• facebook
  • whatsapp
  • telegram

DSC Exam: డీఎస్సీలో ప్రశ్నలడిగిన అంశాలివే!

* పరీక్షకు తొలిరోజు 83% హాజరు


ఈనాడు, హైదరాబాద్‌: ఉపాధ్యాయ ఖాళీల భర్తీకి డీఎస్సీ ఆన్‌లైన్‌ పరీక్షలు జులై 18న  ప్రారంభమయ్యాయి. తొలిరోజు దాదాపు 24 వేల మందికిగాను సుమారు 20 వేల మంది (83 శాతం) హాజరైనట్లు పాఠశాల విద్యాశాఖ వర్గాలు తెలిపాయి. హాల్‌టికెట్లలో చిన్నచిన్న తప్పులున్నా అనుమతించాలని అధికారుల నుంచి ఆదేశాలు జారీ అయినట్లు తెలిసింది. బయోమెట్రిక్‌ హాజరు విధానం అమలు చేస్తుండటంతో గంటన్నర ముందుగా పరీక్షా కేంద్రాలలోకి అనుమతించారు. 

ఉదయం 9 గంటల నుంచి 11.30 వరకు 7 జిల్లాల అభ్యర్థులకు స్కూల్‌ అసిస్టెంట్‌ భౌతికశాస్త్రం, సాంఘికశాస్త్రం తెలుగు మాధ్యమం పరీక్షలు నిర్వహించారు. మధ్యాహ్నం 2 గంటల నుంచి 5 గంటల వరకు అన్ని జిల్లాల వారికి పీఈటీ హిందీ, ఆంగ్లం, ఉర్దూ, కన్నడ మాధ్యమాల్లో పరీక్షలు జరిగాయి. 14 జిల్లాల వారికి పీఈటీ తెలుగు మాధ్యమం పరీక్షలు జరిగాయి. వర్తమాన వ్యవహారాల విభాగం నుంచి కేంద్ర ప్రభుత్వ పథకాలపై, అలానే రాష్ట్ర ప్రభుత్వ పథకాలపై ప్రశ్నలు వచ్చినట్లు అభ్యర్థులు తెలిపారు. జాతీయ నూతన విద్యా విధానం, విద్యాహక్కు చట్టం, ఈ నెలలో జరిగే ఒలింపిక్స్‌ పోటీలు, అమ్మ ఆదర్శ కమిటీలు, ఇందిరమ్మ ఇళ్ల పథకం, గృహజ్యోతిపై ప్రశ్నలు వచ్చాయని వెల్లడించారు. 

మహబూబ్‌నగర్‌ జిల్లాకు చెందిన ఒక అభ్యర్థి 24న హైదరాబాద్‌లోని పరీక్షా కేంద్రంలో పరీక్ష ఉంది. అయితే అతను జులై 18న పరీక్ష ఉందని హాల్‌టికెట్‌తో ఆ కేంద్రానికి వచ్చాడు. జులై 18న ఆ కేంద్రంలో అసలు పరీక్షే లేదు. దీంతో అధికారులు హాల్‌టికెట్‌ను పరిశీలించి, నకిలీదని తేల్చారు. దీనిపై పోలీసులకు ఫిర్యాదు చేశారు.రెండో రోజు జులై 19న సెకండరీ గ్రేడ్‌ టీచర్‌ (ఎస్‌జీటీ) తెలుగు మాధ్యమం పరీక్షలు జరగనున్నాయి.  

గుట్టుగా వివరాలు...

తొలిరోజు ఎంతమంది పరీక్ష రాయాల్సి ఉంది? ఏ రోజు ఎంతమంది పరీక్షకు హాజరయ్యారన్న వివరాలను వెల్లడించడానికి విద్యాశాఖ వర్గాలు నిరాకరించాయి. సుమారుగా అని చెబుతున్నారు తప్ప.. కచ్చితమైన వివరాలుచెప్పలేదు.
 

  టీఆర్‌టీ/డీఎస్సీ తెలంగాణ   


 

  స్కూల్ అసిస్టెంట్   

తెలుగు (కంటెంట్)

గణితం (కంటెంట్)

సోషల్ స్టడీస్ (కంటెంట్)


  సెకండరీ గ్రేడ్ టీచర్స్  

సైకాలజీ (కంటెంట్)

గణితం (కంటెంట్)

సైన్స్ (కంటెంట్)


  తెలుగు పండిట్  

కంటెంట్

మెథడాలజీ


  బిట్ బ్యాంక్  

ఫిజికల్ సైన్సెస్ (కంటెంట్)

బయాలజీ (కంటెంట్)
 

  పాత ప్ర‌శ్న‌ప‌త్రా‌లు

 

Read Latest jobs, Latest notifications and Latest govt jobs 

Follow us on Facebook, Twitter, Share chatGoogle News Subscribe our Youtube Channel.

Posted Date : 19-07-2024

గమనిక : ప్రతిభ.ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారులు, సంస్థల నుంచి వస్తాయి. మరి కొన్ని ప్రకటనలు పాఠకుల అభిరుచి మేరకు కృత్రిమ మేధస్సు సాంకేతికత సాయంతో ప్రదర్శితమవుతుంటాయి. ఆ ప్రకటనల్లోని ఉత్పత్తులను లేదా సేవలను పాఠకులు స్వయంగా విచారించుకొని, జాగ్రత్తగా పరిశీలించి కొనుక్కోవాలి లేదా వినియోగించుకోవాలి. వాటి నాణ్యత లేదా లోపాలతో ఈనాడు యాజమాన్యానికి ఎలాంటి సంబంధం లేదు. ఈ విషయంలో ఉత్తర ప్రత్యుత్తరాలకు, ఈ-మెయిల్స్ కి, ఇంకా ఇతర రూపాల్లో సమాచార మార్పిడికి తావు లేదు. ఫిర్యాదులు స్వీకరించడం కుదరదు. పాఠకులు గమనించి, సహకరించాలని మనవి.